අද (16) සිට ඇමරිකා එක්සත් ජනපදය චීන අපනයනය භාණ්ඩ සඳහා පනවා තිබූ තීරු බද්ද 245% දක්වා වැඩි කිරීමට තීරණය කර තිබේ.
අඟහරුවාදා දිනයේ අග භාගයේදී නිකුත් කරන ලද පත්රිකාවක විස්තර කර ඇති මෙම පියවර ධවල මන්දිරය විසින් ගෙන ඇත්තේ චීන ගුවන් සමාගම් විසින් නව බෝයිං ජෙට් ඇණවුම් තහනම් කිරීම ඇතුළු බීජිං විසින් සිදු කරන ලද ආක්රමණශීලී ක්රියාමාර්ග මාලාවකට ප්රති උත්තර ලබා දීම සඳහා බව ධවල මන්දිරය ප්රකාශ කර ඇත.
“චීනයේ පළිගැනීමේ ක්රියාමාර්ගවල ප්රතිඵලයක් ලෙස එක්සත් ජනපදයට ආනයනය කරන භාණ්ඩ සඳහා 245% ක තීරුබදු පැනවීමට මුහුණ දෙනු ඇත.,” ජාතික ආරක්ෂක හේතූන් මත තීරණය සාධාරණීකරණය කරමින් ධවල මන්දිරය දන්වා තිබේ.
මේ මස මුලදී එක්සත් ජනපදය චීන භාණ්ඩ සඳහා 145% ක තීරුබදු පැනවූ දා සිට ගැටුම වේගයෙන් තීව්ර වී ඇත. චීනය ඇමරිකානු ආනයන සඳහා 125% ක තීරුබදු පැනවූ අතර අධි තාක්ෂණික සහ ආරක්ෂක කර්මාන්ත සඳහා අත්යවශ්ය ප්රධාන ඛනිජ අපනයන සඳහා වූ සීමා තවදුරටත් දැඩි කළේය.
පෘථිවියේ දුර්ලභ මූලද්රව්ය කෙරෙහි චීනයේ ග්රහණය ඉලක්ක කර ගනිමින් තීරණාත්මක ආනයන පිළිබඳ පුළුල් ජාතික ආරක්ෂක සමාලෝචනයක් ද එක්සත් ජනපදයේ නවතම ක්රියාමාර්ගයට ඇතුළත්වන බව විදෙස් මාධ්ය වාර්තා කර ඇත.
මේ නව බදු පැනවීම සමග ප්රකාශයක් නිකුත් කරමින් චීන විදේශ කටයුතු අමාත්යාංශය පවසා ඇත්තේ ඇමරිකාවේ තීරු බදු පැනවීමට ජාතියක් ලෙස කිසි සේත් බිය නොවන බවය. සංවාදයක් ඔස්සේ මේ ගැලුව විසඳා ගැනීමට ඇමරිකාවට අවශ්ය නම් සාකච්ඡා මේසයකට පැමිණිය යුතු බවය.
එකඟතාවයට පැමිණීමට අවශ්ය නම් මුලින්ම සාකච්ඡා මේසයේ පැමිණය යුත්තේ චීනය බව ඩොනලඩ් ට්රම්ප් දන්වා ඇත.
