මනම්පිටිය නිමල් ජයරත්න –
මෙරට ආයුර්වේද දෙපාර්තමේන්තුව විසින් පාරම්පරික අයුර්වේද වෛද්ය ක්රමය වළපල්ලට ගෙන යෑමට කටයුතූ කරමින් සිටින බව සමස්ත ලංකා ආයුර්වේද වෛද්ය සම්මේලනයේ නියෝජ්ය ලේකම් වෛද්ය හෙන්රි පීරිස් පවසයි.
සමස්ත ලංකා ආයුර්වේද වෛද්ය සම්මේලනයේ නියෝජ්ය ලේකම්වරයා මේ අදහස් පලකර සිටියේ සමස්ත ලංකා ආයුර්වේද සම්මේලනය විසින් පොළොණ්නරුව හිගුරක්ගොඩ ප්රදේශයේ පැවති පොළොන්නරුව දිස්ත්රික් ආයුර්වේද වෛද්ය සම්මේලනයට එක්වෙමිනි.
මෙම පොළොන්නරුව දිස්ත්රික් අයුර්වේද වෛද්ය සම්මේලනය 08 වෙනිදා හිඟුරක්ගොඩ ප්රදේශයේදී පැවති අතර ඒ සමස්ත ලංකා ආයුර්වේද වෛද්ය සම්මේලනයේ නිලධාරීන් හා පොළොන්නරුවදිස්ත්රික්කයේ සේවයේ නියුතු ආයුර්වේද වෛද්යවරු රැසක් සහභාගීවී සිටියහ.
මෙහිදි වැඩිදුරටත් අදහස් දක්වමින් සමස්ත ලංකා ආයුර්වේද වෛද්ය සම්මේලනයේ නියෝජ්ය ලේකම් ආයුර්වේද වෛද්ය එම්.ආර්.හෙන්රි පීරිස් මෙසේද කීය.
“දැන් අවුරුදු 10ක් තිස්සේ පමණ කාලයක සිට ආයුර්වේද වෛද්ය දෙපාර්තමේන්තුව විසින් අපේ රටේ පාරම්පරික වෛද්යවරුන්ට ගහල ගහලා පොළොව යට දාලා ඉවරයි. දැන් පොළොව යට දාලා වෙද මහත්තයවයි එයාගේ දරු පරම්පරාව ගොඩ ගන්නයි අපි සංවිධානය වෙන්නෙ.”
“අපි මේ එකතු වුනේ අපේ සහෝදරත්වයේ පාලම ගොඩනගන්නයි. ඒ සඳහා දිස්ත්රික්කයක් ගානෙ අපි යනවා. අපි එකතු නොවුනොත් ආයෙ මේක මෙතනින් වැලලිලා ඉවර වෙනවා.”
“වාර්ෂිකව ආයුර්වේද වෛද්යවරුන් 5000ක් එලියට එනවා. ඒ වෛද්යවරුන්ට රැකියා නෑ කියලා, අපිට තිබුණ විභාග නැති කලා.
මේ පළවෙනි මිනී පෙට්ටියට වෛද්යවරු වෛද්ය ශිෂ්යයන් දැම්මෙ රාජිත සේනාරත්නගෙ කාලෙ. අපේ දරුවන්ට තිබුණු වටිනා විභාගයක් නැති කලා.”
“පාරම්පරික වෛද්යවරුන්ට රජයෙන් වියදම් කලේ නෑ. ඒ පාරම්පරිකව ලැබුණු දැනුම හා විභාගවලට පෙනී හිටලා ඒ ශාස්ත්රීය පැත්තත් අරගෙන ඒ අය හොද වෛද්යවරු බවට පත්වුනා. මේක දරා ගන්න බැරුව රාජිත සේනාරත්න මහත්තයගෙ කාලෙ හිටපු ආයුර්වේද දෙපාර්තමේන්තුවෙ ආචාර්ය මහාචාර්යවරු මේ විභාගයත් නැති කළා. , ඊට පස්සෙ රමේෂ් පතිරණගෙ කාලෙ ආයුර්වේද වෛද්ය සංගම් කර්මාන්ත දෙපාර්තමේන්තුවෙ රෙජිස්ටර් කලා.
මේ වනවිට හොර වෛද්ය සංගම් ඇති වෙලා හොර වෛද්ය සහතික දෙනවා. සල්ලි අරගෙන ඔවුන්ට මාස 06 ගියාට පස්සෙ ආයුර්වේද වෛද්ය සභාවේ මෙඩිකල් පොතක් දෙනවා. අපි ඒ පොත ගත්තෙ දහදුක් විදලා. ඒ නිසා හොර සහතික දිලා මේක විනාශ කරලා ඉවරයි.
දැන් ආයුර්වේද දෙපාර්තමේන්තුවෙ වැඩේ හරි. ඒ අය පැත්තකට වෙලා බලා ඉන්නවා. මේ වැරදි වැඩේ තුළින් ලෙඩ්ඩු මැරිච්ච දාට ඉතුරු වෙදකමත් ඉවරයි. ඒ නිසා මේ තත්වය නැති කරන්න අපි සියලු දෙනා මේ වෙලාවෙ එක්ව කටයුතු කළ යුතු බවද නියෝජ්ය ලේකම්වරයා කීවේය.
