කළුතර දිස්ත්රික්කයේ හෝ ඕනෑම පොලිසියක තමන් චේන් කඩා ඇති බවට කුමණ හෝ පැමිණිල්ලක් ඇති නම් එය සමාජ මාධ්යයට යොමු කරන ලෙසත් ඒ බව ඔප්පු කළහොත් ඊට පසු දිනම තමන් පාර්ලිමේන්තු මන්ත්රී ධූරයෙන් ඉල්ලා අස්වන බවත් කළුතර දිස්ත්රික් පාර්ලිමේන්තු මන්ත්රී රෝහිත අබේගුණවර්ධන අද (24) පාර්ලිමේන්තුවේ දි පැවසුවේය.
පුංචි දවස්වල ප්රේමලාල් ජයසේකරට චොකා මල්ලි කීවාක් සේ පවුලේ සහ ගමේ අය ආදරේට රත්තරන් කී තමන් රත්තරන් මාල කඩන මාල හොරෙක් බවට පත් කළේ සමාජ මාධ්ය බව ප්රථම වතාවට පාර්ලිමේන්තුවේ දී හෙළි කරණ බව ඔහු කීවේය.
පොදුජන පෙරමුණේ කළුතර දිස්ත්රික් පාර්ලිමේන්තු මන්ත්රී රෝහිත අබේගුණවර්ධන වැඩිදුරටත් පැවසුවේ තමන් ගමේ පවුලේ ප්රදේශයේ බොහෝ දෙනෙක් හඳුන්වන්නේ රත්තරන් ලෙස බවය. එසේ කියන්නේ තමන් රත්තරන් මාල කැඩූ නිසා නොවන බවත් ඔහු පැවසුවේය.
අපි ඉපදුනාම අපට පුංචි කාලේ නම් දානවා. අපේ පාර්ලිමේන්තුවෙත් ඉන්නවා. දැන් අපේ ප්රේමලාල් ජයසේකර මන්ත්රීතුමාට කියනවා චොකා මල්ලි කියලා. මට පොඩි කාලේ ආදරේට දාලා තියනවා රත්තරන් කියලා.
අපේ ගම්වල මිනිස්සු මාව දන්නේ රත්තරන් කියලා. මම දේශපාලනයට ආවට පස්සේ මට හැදුවා මම මාල කඩලා තමයි රත්තරන් වුනේ කියලා. මාල කඩලා.
මේ සමාජ මාධ්ය ගහනවා. රත්තරන් මාල කඩපු හොරා කියලා සමාජ මාධ්ය ගහනවා. මම දැන් එකෙකුව හොයනවා දෙයි හාමුදුරුවනේ මෙහෙ වර පුතේ… මම කඩපු මාලයක් පෙන්නපිය.
එහෙම නෙමෙයි නම් මම මේ උත්තරීතර පාර්ලිමේන්තුවෙ කියනවා එහෙම කරපු කෙනෙක් නම් මම ඉන්නේ කළුතර කොට්ඨාසේ පයාගල පොලිස් වසමේ ඉපදුන දා ඉඳන් මේ වනතුරු ඉන්නේ. ඒ පොලිස් වසමේ හෝ වෙනත් පොලිසියක රෝහිත අබේ ගුණවර්ධන, නැතිනම් රත්තරන් චේන් එකක් කඩලා කියලා පැමිණිල්ලක් තියනවා නම් අන්න ඒක මේ පාර්ලිමේන්තුවට කියන්න. මම හෙට කතා නායකතුමා ලඟට ඇවිත් ඉල්ලලා අස් වෙනවා. ආයුබොවන් කියලා මම මෙතනින් යනවා.
මට විතරක් නෙමෙයි… අපේ අනුර කුමාර දිසානායක අපේ ජනතා විමුක්ති පෙරමුණේ නායකයට… එතුමට මොකක් ද ගහන්නේ. මේ සමාජ මාධ්යයෙ. එතුමට කියනවා එතුමගෙයි පුංචි අම්මගෙයි සම්බන්ධයක් තියනවලු. එහෙම වෙන්න බෑනේ. අම්මා මොකෝ… පුංචි අම්මා මොකෝ… එහෙම හිතන්නෙවත් නෑ… මොකද ඒක දණ්ඩනීති සංග්රහයට අහුවෙන එකක්. මෙන්න මේකයි මේ ප්රශ්නය. ඒකයි නියෝජ්ය කතා නායක තුමනි. හැම කෙනෙකුටම තියනවා පෞද්ගලිකත්වයක්. මේ පෞද්ගලිකත්වය විනාහ කරන්න ඉඩ තියන්න එපා.
