අග්රාමාත්ය මහින්ද රාජපක්ෂ මහතාගේ ප්රදානත්වයෙන් පසුගිය සඳුදා පැවැත්වීමට නියමිතව තිබූ පක්ෂ නායක රැස්වීම කඩාකප්පල් විමට ප්රධාන වශයෙන් හේතු වී ඇත්තේ ඊට පක්ෂ නායකයින් නොවන පොදුජන පෙරමුණේ දිස්ත්රික් නායකයන් ගණනාවක් සහභාගී වීම බව වාර්තා වේ.
එම රැස්වීමේදී සෙසු පක්ෂවලින් නැගෙන විරෝධය යටපත් කිරීම සඳහා පොදුජන පෙරමුණ විසින් සූක්ෂම ලෙස මෙම රැස්වීමට එම පක්ෂයෙන් දිස්ත්රික් නායකයන් කිහිප දෙනකු සහභාගී කරවීමට කටයුතු කර ඇති බව සඳහන් වේ.
ආණ්ඩුවේ වැඩපිළිවෙළට එරෙහිව සුළු පක්ෂයක් නියෝජනය කරන පක්ෂ නායකයකු හෝ පක්ෂ නියෝජිතයකු අදහස් දක්වන්නේ නම් ඔවුන්ගේ හඬ විරෝධතාවක් හරහා යටපත් නිසාම මෙහි යටි අරමුණ වී ඇති බව ඊට සහභාගී වූ පක්ෂ නියෝජිතයෙක් ලංකාසරට පැවසීය.
සාමාන්යයෙන් පක්ෂ නායක රැස්වීමකට සහභාගී විය හැක්කේ පක්ෂයක ප්රධාන නිලතලයක් දරන නායකයකුට හෝ ඔවුන් විසින් නම් කර එවන නියෝජිතයන්ටය. පොදුජන පෙරමුණේ නායකයින් ද පැමිණ සිටියදී ඊට වෙනත් පුද්ගලයන් සහභාගි කරවීමට කටයුතු කිරිමෙන් පෙනී යන්නේ එහි වෙත් අරමුණක් පවතින බව යයි මෙම ප්රකාශයා ලංකාසරට පැවසීය.
පසුගිය සඳුදා (19) අරලියගහ මන්දිරයේ පැවැති රැස්වීමට 51 දෙනකු සහභාගී වී සිට ඇති අතර මේ බව දැනගත් විමල් වීරවංශ අමාත්යවරයා මෙම රැස්වීමට පක්ෂ නායකයන් ට අමතරව තවත් පිරිසක්ද සිටින බැවින් පක්ෂ නායක රැස්වීමක් පැවත්වීමට වෙනත් දිනයක් යොදා දන්වන ලෙස පවසා ඇත.
