ජාතික ජන බලවේගයට සම්බන්ධ ලංකා විදුලි සේවක සංගමය ඉල්ලා සිටින ආකාරයට සේවකයින්ට ප්රසාද දීමනා ලබා දීමට නොහැකි බවත් මේ වසරේ ප්රසාද දීමනා ලබා නොදීමට ලංකා විදුලිබල මණ්ඩලයේ අධ්යක්ෂ මණ්ඩලය තීරණය කර ඇති බවත් ලංකා විදුලිබල මණ්ඩලයේ මාධ්ය ප්රකාශක ධනුෂ්ක පරාක්රමසිංහ තහවුරු කළේය.
මෙම වසරේ ලංකා විදුලිබල මණ්ඩලය විශාල ලාභයක් ලැබුවද, එම මුදල් ණය ආපසු ගෙවීම් සහ විදුලිබිල අඩු කිරීම සඳහා යොදවා ඇති බව එහි අධ්යක්ෂ මණ්ඩලය අවධාරණයෙන් ප්රකාශ කරන බව මාධ්ය ප්රකාශකවරයා වැඩිදුරටත් පැවසුවේය. අධ්යක්ෂ මණ්ඩලය මෙම තීරණය ගෙන ඇත්තේ ජාතික ජන බලවේගයට සම්බන්ධ ලංකා විදුලි සේවක සංගමය විසින් ප්රසාද දීමනා ලබා දෙන ලෙස ආණ්ඩුවට බල කර සිටින පසුබිමකය.
එම සංගමයේ ලේකම් රන්ජන් ජයලාල් මාධ්ය සාකච්ඡාවක් කැඳවා විදුලි සේවයකයින්ට ප්රසාද දීමනා අවශ්ය බව කීවේ මෙසේය.
“ලංකා විදුලි බල මණ්ඩලයේ සේවකයින්ගේ ප්රසාද දීමනාව ගැන කියනවා නම් ඉතාම පැහැදිලියි. දැන් මේ ආයතනය ලාබ ලබන නිසා එය සේවකයින්ට ලබා දෙන්න ඕන. 10ට පෙර මේක දෙන්න. නත්තල 25.. රජය නියෝජනය කරන වෘත්තීය සමිති ව්යාපාරයට පාරට බැහැලා දියව් ගනිව් කියලා කියන්න ඕන කමක් නෑ. මේ අපේ ආණ්ඩුව. අපි හදපු ආණ්ඩුව. ඒ ආණ්ඩුව මේක දෙන බව අප දන්නවා. අපි ඒ ආණ්ඩුවට මතක් කරනවා. අපි බෝනස් එක ගන්නවා.” රන්ජන් ජයලාල් අනිවාර්යයෙන් සේවකයින්ට ලැබෙන බෝනස් එකක් ගැන කීවේය.
කෙසේ වෙතත් එම ප්රසාද දීමනාව ලබා නොදීමට විදුලිබල මණ්ඩලයේ අධ්යක්ෂ මණ්ඩලය මේ වනවිට තීරණය කර ඇත.
ලංකා විදුලිබල මණ්ඩලයේ මාධ්ය ප්රකාශක ධනුෂ්ක පරාක්රමසිංහ උපුටා දක්වමින් අද දෙරණ වාර්තා කරන්නේ විදුලිබල මණ්ඩලයේ සේවකයන්ට ප්රසාද දීමනාවක් ලබා නොදීමට මේවන විටත් එහි අධ්යක්ෂ මණ්ඩලය අවසන් තීරණයක් ගෙන ඇති බවය.
ලංකා විදුලිබල මණ්ඩලය මේ වසරේදී විශාල ලාභයක් ඉපයුවද ඉන් රුපියල් බිලියන 112ක්ම ඛනිජ තෙල් නීතිගත සංස්ථාව ඇතුළු ආයතන වෙත ණය ආපසු ගෙවීම් ලෙස වැයකර ඇති බවද, 2024 වසරේ විදුලිබල මණ්ඩලය ලැබූ ලාභයෙන් ඉතිරි වූ රුපියල් බිලියන 41ක මේ වසරේ විදුලි ගාස්තු අඩු කිරීමට යෙදවූ බවද ලංකා විදුලිබල මණ්ඩලයේ අධ්යක්ෂ මණ්ඩලය ප්රකාශ කර ඇත.
