කීර්ති ප්රනාන්දු –
මනුෂ්ය පරිභෝජනයට නුසුදුසු ආනයනික තිරිගු පිටි මෙට්රික් ටොන් 750ක් සහිත අසුරන 30000 ක් අත් අඩංගුවට ගැනීමට පාරිභෝගික කටයුතු අධිකාරිය අද (05) කටයුතු කර තිබේ.
එම අධිකාරිය පිටකොටුව ප්රදේශයේ සිදුකරන ලද වැටලීමකදී අනාවරණය කරගත් තොරතුරු මත වත්තල, ඇලකන්ද පාර, උස්වැටකෙයියාව ප්රදේශයේ ගබඩාකර අවුරුදු සමය ඉලක්ක කරගෙන වෙළදපොලට නිකුත්කිරීමට සුදානම් කර තිබු මනුෂ්ය පරිභෝජනයට නුසුදුසු මෙම තිරිගු පිටි තොගය සොයාගෙන තිබිණි.
අදාල තිරිගු පිටිවල නිෂ්පාදිත දිනය පසුගිය වසරේ මාර්තු / මැයි මාසය ලෙසත් කල් ඉකුත්වන දිනය මෙම වසරේ මාර්තු / මැයි ලෙසත් සදහන්කර තිබුණ අතර එම තොගය දැඩි ලෙස කෘමි ආසාදනයට ලක්ව තිබී ඇත.
ඉදිරියේ දී මෙම තොග වෙළදපොලට නිකුත්වීම වැලැක්වීම සඳහා අදාල භාණ්ඩ නිලධාරීන් භාරයට ගෙන වැඩිදුර විමර්ශන කටයුතු සිදුකරමින් පවතී.
පසුගිය කාල සීමාව තුල ස්ථාන ගණනාවකින්ම මෙවැනි මනුෂ්ය පරිභෝජනයට නුසුදුසු තිරිගුපිටි තොග සම්බන්ධව වැටලීම් සිදුකරන ලද අතර ඒ සම්බන්ධව නීතිමය පියවයර ගනිමින් පවතින බව පවසන පාරිභෝගික කටයුතු පිළිබඳ අධිකාරිය අඛණ්ඩව වාර්තාවන මෙම තත්ත්වය නිසා තිරිගු පිටි මිලදී ගැනීමේ දී සැපයුම් කරුවන් සහ අදාල භාණ්ඩවල තත්වය සම්බන්ධව දැඩි සැලකිල්ලක් දක්වන ලෙස ජනතාවගෙන් ඉල්ලා සිටී.
එමෙන්ම අතරමැදි පුද්ගලයින් විසින් වෙළදපොලට භාණ්ඩ සැපයීමේ දී ඔවුන් සම්බන්ධව විමසිලිමත් වෙමින් මිලදී ගැනීම් සිදුකරන ලෙස එම අධිකාරිය ව්යපාරිකයින්ට දන්වයි .
මෙවැනි කෘමි ආසාදිත තිරිගු පිටි බේකරි සහ ආහාර නිෂ්පාදනය සඳහා භාවිතකරන්නේ ද යන්න සම්බන්දව මෙන්ම සහ වෙළදපළේ අලෙවියට ඉදිරිපත් කරන්නේද යන්න සම්බන්ධව ද සොයාබලමින් ඔවුන්ට එරෙහිව නීතිය තදින්ම ක්රියාත්මක කිරීමට කටයුතු කරනු ලබන බවත් මෙවැනි වෙළෙඳුන් පිළිබඳව තොරතුරු ඇතිනම් පාරිභෝගික සේවා අධිකාරියට දැනුම් දී ජනතා වගකීම ඉටු කරන ලෙසත් එම අධිකාරිය ඉල්ලා සිටී.
