දිනසේන රතුගමගේ –
ඉන්දියාව හා යාපනය අතර මත්කුඩු ප්රවාහනය කරණ යාපනයේ කුඩු රජා හෙවත් ” කුඩුදේව ප්රසන්නා ” ලෙස නම් දරා සිටි අයව යාපනය ජාත්යාන්තර ගුවන් තොටුපලේදී යාපනය පොලීසියේ විශේෂ කණ්ඩායමක් විසින් ඊයේ ( 4 ) අත් අඩංගුවට ගෙන තිබේ.
ඔහු ඉන්දියාවට ගොස් කාලයක් තිස්සේ එහි සිට මත්කුඩු ජාවාරම මෙහෙයවා තිබේ.
වසර දෙකකට පමණ පසුව මෙම අපරාධකරු ඉන්දියාවේ සිට ගුවන් යානයකින් ආපසු යාපනයට පැමිණෙන බවට පොලීසියට ලැබුණු තොරතුරක් මත පොලිස් නිලධාරීන් පිරිසක් යාපනය ගුවන් තොටුපලට ගොස් ඔහුව අත් අඩංගුවට ගෙන තිබේ.
මෙම පුද්ගලයාට එරෙහිව යාපනය අධිකරණයෙන් නිකුත් කළ වරෙන්තු කීපයක්ම ඇති අතර යාපනය තුළ මත්ද්රව්ය බෙදා හැරීමේ සිද්ධීන් කීපයක් මත ඔහුව යාපනය පොලීසියටද අවශ්යව සිටි අයෙකි.
අත් අඩංගුවට ගත් සැකකරුව මුලින්ම වරෙන්තු සදහා යාපනය අධිකරණයට ඉදිරිපත් කොට අනතුරුව සෙසු චෝදනා සම්බන්ධයෙන් පොලිස් පරීක්ෂණ පවත්වා ගෙන යන බව යාපනය පොලීසිය සඳහන් කරයි.
