ලලිත් චාමින්ද –
කිසිදු ශඛ්යතා අධ්යයනයකින් තොරව, තාක්ෂණික කමිටුව විසින් ප්රතික්ෂේප කළ ලංසුකරුවෙක් හරහා ලංකා විදුලිබල මණ්ඩලය විසින් රුපියල් මිලියන 3000ක් වු ඇස්තමේන්තුගත මුදලකට මිලදී ගත් ඩිසල් විදුලි ජනක යන්ත්ර 50ක් නිරන්තරයෙන් කාර්මික දෝෂයන්ට ලක්විම නිසා ඉකුත් වර්ෂයේ (2022) ජනවාරි මස සිට අප්රේල් මස දක්වා කාලය තුළ රුපියල් මිලියන 1263ක ( බිලියන 1.263ක) ඇස්තමේන්තුගත මුල්ය අලාභයක් ලංකාවිදුලි බලමණ්ඩලයට සිදුවි ඇති බව ජාතික විගණන කාර්යාලය මගින් නිකුත්කොට ඇති නවතම විගණන වාර්තාවක සදහන් වේ.
මෙම ව්යාපෘතිය යටතේ බහාලුම්ගත මෙගාවොට් 50ක ධාරිතාවකයින් යුතු ඩිසල් ජනක යන්ත්ර 50ක්, බහාලුම්ගත ට්රාන්ස්පෝමර් 25ක් බහාලුම්ගත ඉන්ධන ටැංකි 25ක් මිලදි ගැනිමට තීරණය කර ඇත.
සිය වගකීම දැරීමට අසමත් වූ කොන්ත්රාත්කරු විසින් ඉටුනොකරන ලද සේවා අඩුපාඩු, ශඛ්යතා අධ්යයනයක් නොකළ නිසා අපේක්ෂිත කාර්ය සාධක මට්ටමේ නොපැවතීම, සැලසුම්කරණයේ දි දුර්වලතා හේතුවෙන් සිදුවු යන්ත්ර බිදවැටිම් හා නැවැත්විම් කාලය තුළ විදුලි උත්පාදනය අහිමිවිම නිසා මෙම අලාභය සිදුවි ඇති බවට විගණනය මගින් අනාවරණය කොට ඇත.
උක්ත යන්ත්ර සැලසුම්සහගත බිදවැටිම් නොවන අවස්ථාවදී සැලකියයුතු මට්ටමක පැය ගණනක් ධාවනය නොකොට තිබු බව නිරික්ෂණය වි ඇත. වර්ෂ 2019 වර්ෂයේ ජනවාරි සිට සැප්තැම්බර් දක්වා පැය 52452ක්, 2021 වර්ෂයේ පැය 36120ක්, 2022 වර්ෂයේ පැය 57320ක්, ලෙස මෙම වර්ෂයේ ජනවාරි සිට ජුලි දක්වා පැය 35345ක් මෙම යන්ත්ර ක්රියාවිරහිතවී තිබී ඇති බව විගණනය කියයි.
තවද ලංකා විදුලිබල මණ්ඩලයේ නිලධාරින් 20 දෙනෙකු විසින් අවස්ථා 12කිද මෙම ජනන යන්ත්ර පරික්ෂණ කටයුතු සදහා විදේශගත වී ඇති බවත්, අනියම් හා සංයුක්ත දිමනා වශයෙන් ඇමරිකානු ඩොලර් 108,315ක් සහ ගුවන් ටිකට්පත් හා වෙනත් වියදම් ලෙස 3,700,681 මුදලක් වැයකොට ඇතැයි විගනනය කියයි.
ව්යාපෘතියේ මුලික අරමුණ වුයේ ජාතික විදුලිබල පද්ධතියේ හදිසි විදුලිය බිදවැටිම් වලචි අදාල සේවාව ප්රාදේශිය මට්ටමින් අඛණ්ඩව ලබා දී විදුලිය බිදවැටිමෙන් සිදුවන තාවකාලික අවහිරතා වලක්වා ගැනිම වුව ද එම අරමුණද ඉටුවි නොතිබු බවද විගණන වාර්තාවේ සදහන් වේ.
.
