අලුතින් පිහිටුවා ගන්නා ලද වෛද්ය හා සිවිල් අයිතිවාසිකම් පිළිබඳ වෛද්යවරුන්ගේ වෘත්තීය සමිති සන්ධානය හා සෞඛ්ය ලේකම්වරයා අතර විශේෂ සාකච්ඡාවක් පසුගිය සිකුරාදා සෞඛ්ය අමාත්යාංශයේ දී පවත්වා ඇත.
මෙහිදී වෛද්යවරුන්ට බලපාන ගැටලු පහළොවකට ආසන්න ප්රමාණයක් සම්බන්ධයෙන් සෞඛ්ය ලේකම්වරයා සමඟ වෛද්ය හා සිවිල් අයිතිවාසිකම් පිළිබඳ වෛද්යවරුන්ගේ වෘත්තීය සමිති සන්ධානයේ විධායක සභාව අදහස් හුවමාරු කර ගෙන තිබේ.
වෛද්යවරුන්ගේ වැටුප් ගැටලුව, ශ්රේණි විෂමතා නව වෛද්ය සේවා වාවවස්ථාව, පශ්චාත් විශේෂණ වෛද්ය පුහුණු
පාඨමාලාව සදහා යුරෝපා රටවල දැනට පවතින අවගිරතා ආදී කරුණු මෙහිදී ප්රධාන වශයෙන් සාකච්ඡාවට භාජනය වී
ඇත.
වෛද්යවරුන්ගේ වැටුප් විෂමතාවයන් විසඳීම සඳහා විද්යාත්මක කමිටුවක් පත් කිරීමට යොජනා වී ඇති අතර එය හමුවේ නව යොජනා ඉදිරිපත් කරන ලෙස සෞඛ්ය ලේකම්වරයා එහිදී උපදෙස් ලබාදුන් බව වෛද්ය හා සිවිල් අයිතිවාසිකම් පිළිබඳ වෛද්යවරුන්ගේ වෘත්තීය සමිති සන්ධානය විසින් නිකුත් කළ නිවේදනයේ දැක්වේ.
වෛද්යවරුන් සඳහා දැනට ගෙවන පැය 120 අතිකාල දීමනා ක්රමය වෙනුවට වෛද්යවරුන්ගේ කාර්යක්ෂමතාව වැඩ
ධාරිතාව දුෂ්කර ප්රදේශයන් හි සේවය කරන වෛද්යවරුන්ගේ සේවා අවශ්යතාව යන කරුණු ද සැලකිල්ලට ගෙන නව
ක්රමවේදයකට යටතේ විද්යාත්මක පදනම් මත වෛද්යවරුන්ගේ අනිකාල හා අමතර වැටුප් ගෙවීම ඉහළ නංවන ලෙස
වෛද්ය හා සිවිල් අයිතිවාසිකම් ලද වෘත්තීය සංසදය මගින් ඉදිරිපත් කරන ලද යෝජනාව සෞඛ්ය ලේකම්වරයාගේ
පැසසුමට ලක් වී ඇත.
පර්යන්න රෝහල්වල සේවය කරන වෛද්යාවරුන් හා විශේෂඥ වෛද්යවරු සඳහා නේවාසික පහසුකම් වැඩිදියුණු කිරීමත් ඔවුන්ගේ දරුවන් පාසල්වලට ඇතුළත් කර ගැනීමේ දී දැනට පවතින ක්රමය වඩාත් කාර්යක්ෂම වියයුතු බවත් වෛද්ය හා සිවිල් අයිතිවාසිකම් පිළිබඳ වෘත්තීය සංසදය මෙගි දී පෙන්වා දී තිබේ.
දැනට වෛද්යවරුන් රාජ්ය සේවයේ නිරත අනෙකුත් සමාන්තර ශ්රේණිවලට සාපේක්ෂව පිගිටුවා ඇති වැටුප් පරිමාණ
ස්ථානය පිළිබඳව සෑගීමට පත්විය නොහැකි බව ප්රකාශ කළ වෘත්තීය සමිති සන්ධානය ඒ සඳහා ආචාර්ය උපාධිය හා
විශේෂඥ වෛද්ය පුහුණුව ලද වෛද්යවරුන් පිහිටුවියයුතු ස්ථාන සම්බන්ධයෙන් ද ක්රමවේදයක් සකස් කිරීමේදී විද්යානුකූල ප්රවේශයක් සඳහා යොමුවීමේ අවශ්යතාව දැඩිව අවධාරණය කොට ඇත.
මහා බ්රිතාන්යයේ පශ්චාත් වෛද්ය උපාධිය හදාරන වෛද්යවරු සඳහා සීමා පැනවීම සම්බන්ධයෙන් ද මෙහිදී විශේෂ
අවධානයක් යොමුවී ඇති අතර මහා බ්රිතානා මහකොමසාරිස් කාර්යාල සමග සාකච්ඡා කොට මෙම ගැටලුව කඩිනම් විසඳීම සඳහා තමන් පියවර ගනිමින් සිටින බව සෞඛ්ය ලේකම්වරයා මෙහිදී පවසා තිබේ.
