සූරියවැව නුවන් ජයසේකර –
වැලි කැණීම් සදහා බලපත්රයක් ලබා දීමට ව්යාපාරිකයෙකුගෙන් රුපියල් ලක්ෂ තුන හමාරක අල්ලස් මුදලක් ඉල්ලා එය ලබා ගැනීමේ දී අම්බලන්තොට භූ විද්යා හා පතල් කැණීම් කාර්යංශයේ ප්රධාන කැණීම් ඉංජිනේරුවරයා හා එම ආයතනයේම රියදුරෙකු කොළඹ අල්ලස් හා දුෂණ මර්ධන අංශයේ නිලධාරීන් විසින් ඊයේ (05) රාත්රී අත්අඩංගුවට ගෙන තිබේ.
මෙලෙස අත්අඩංගුවට ගෙන ඇත්තේ අම්බලන්තොට භූ විද්යා හා පතල් කැණීම් කාර්යාලයේ සේවයේ නියුතු පෙතියාගොඩ, කැලණිය ලිපිනයේ පදිංචි නිකලන්ද වත්ත චමින්ද ප්රමුදිත ලංකා නැමති කැණීම් ඉංජිනේරු වරයෙකු සහ එම ආයතනයේම රියදුරෙකු ලෙස සේවය කරන නව නගරය, ඇඹිළිපිටිය ලිපිනයේ පදිංචි මාරසිංහගේ දර්ශන දීපාල් නැමැත්තෙකි.
සැකකරුවන් දෙදෙනා අම්බලන්තොට මාමඩල පදිංචි ප්රසිද්ධ වැලි ව්යාපාරිකයෙකුට නව වැලි කැණීම් බළපත්රයක් ලබා දිම සඳහා රුපියල් ලක්ෂ 10ක අල්ලස් මුදලක් ඉල්ලා තිබේ.
ඒ අනුව අදාල ව්යාපාරිකයා විසින් මේ සම්බන්ධයෙන් අල්ලස් හෝ දූෂණ මර්ධන අංශයේ නිළධාරීන්ට පැමිණිල්ලක් ඉදිරිපත් කර ඇත.
ඒ අනුව අදාල ව්යාපාරිකයා අල්ලස් මුදල ඉංජිනේරුවාගේ පාර්ශවය හා කතා කර ලක්ෂ තුන හමාර තෙක් අඩු කරගෙන ඇත. අනතුරුව අම්බලන්තොට ප්රදේශයේදී භූ විද්යා කැණීම් නිළධාරියාට හා රියදුරුට රුපියල් ලක්ෂ තුන හමාරක අල්ලස් මුදලක් ලබාදුන් අවස්ථාවේ සැකකරුවන් දෙදෙනා අල්ලස් නිළධාරීන්ගේ අත්අඩංගුවට පත්ව තිබේ.
අත්අඩංගුවට පත් භූ විද්යා කැණීම් නිළධාරියා හා රියදුරු අම්බලන්තොට පොලිසියට රැගෙන ගොස් එහිදී ප්රකාශ සටහන් කර ගැනිම හා ප්රශ්න කිරිම් සිදුකර තිබේ.
සැකකරුවන් දෙදෙනා හම්බන්තොට මහේස්ත්රාත් අධිකරණයට ඉදිරිපත් කිරිමට නියමිතය.
