මහා වැසි ඇදහැලෙමින් ඇත. ඊයේ පෙරවරු 8.30 සිට අද දින පෙරවරු 7 දක්වා ඇහැලියගොඩට ලැබී ඇති වර්ෂාපතනය වාර්තාගත එකකි. එය මිලි මීටර 427.5කි. කාලගුණ විද්යා දෙපාර්තමේන්තු පුරෝකථනයන්ට වඩා තුන් ගුණයකට ආසන්න වැඩි වර්ෂාපතනයකි.
ඉංගිරියේ හල්වතුර වත්තට මිලි මීටර 348.5ක වාර්ෂාපතනයකි. අකුරැස්සට මිලි මිටර 250 ඉක්මවූ වර්ෂාපතනයක් ලැබී ඇත. සාලාවට පාලින්ද නුවරට සහ දෙරණගලටත් එසේය. අකුරැස්සට ලැබුනු වර්ෂාපතනය මිලි මීටර 283.5කි. සාලාවට 280.5කි. පාලින්ද නුවරට 276කි. දෙරණගලට 267කි.
කළු ගඟේ කුඩා ගඟ ද්රෝණියෙහි මිල්ලකන්ද ප්රදේශයට මිලිමීටර් 149.8ක වර්ෂාවක් ලැබීමත් සමඟ අද පෙරවරු 9 වනවිට මහා ගංවතුර තත්ත්වයකට පත්ව ඇතැයි වාරිමාර්ග දෙපාර්තමේන්තුව කීවේය.
ඒ අනුව කළු ගඟ පිටාර ගැලීමෙන් බුලත්සිංහල – කළුතර මාර්ගය ඇතුළු ප්රධාන මාර්ග කිහිපයක් සහ නිවාස 300ක් පමණ ජලයෙන් යටවී තිබේ.
මේ අතර නිල්වලා ගඟෙහි සියලු ජලමාපක ද සාමාන්ය ජල මට්ටම ඉක්මවා ගොස් ඇති අතර එහි පිටබැද්දර ප්රදේශය මහා ගංවතුර මට්ටමකට පත්ව තිබේ.
ධාරාණිපාත වර්ෂාවත් සමග ගිංගග පිටාර ගැලිම නිසා ගිංගග ඉහල නිම්නයේ හා පහළ නිම්නයේ පහත්බිම් ඇතුළු මාර්ග රැසක් ජලයෙන් යටවි ඇතිබැව් ගාල්ල දිස්ත්රික් ආපදා කළමණාකරණ මධ්යස්ථානය පවසයි. අද (02) උදැසන 9.00ට වනවිට ගිංගගේ බද්දේගම ජලපාමනයේ ජල මට්ටම මිටර් 4.22 දක්වා වැඩි වි ඇති අතර මේ වනවිට බද්දේගම ප්ර දේශයට සුළු ගංවතුර තත්ත්වයක් ඇතිවි තිබේ. එමෙන්ම ගිංගග ඉහල නිම්නයේ තවලම ජල මාපකයේ ජල මට්ටම අද (02) පෙරවරු 9.00 පමණ වනවිට මිටර් 7.44 දක්වා වැඩි වි ඇත. ගිංගග ඉහත්තාවේ මහා ගංවතුර තත්ත්වයකට ආසන්න වෙමින් පවතින අතර ගිංගග ඉහත්තාවේ මාර්ග රැසක් මේ වනවිට ජලයෙන් යටවි ඇත. ගිංගගේ ජල මට්ටම ද වේගයෙන් වැඩිවෙමින් පවතින බව වාරිමාර්ග දේපාර්තමෙන්තුව පවසයි
ඉකුත් පැය 24 තුළ ගිංගග ඉහල නිම්නයට මිලිමිටර් 234.8ක වර්ෂාපතයක් ලැබිමත් සමග පහළ නිම්නයට මිලිමිටර් 92.5ක වාර්ෂාපතනයක් ලැබි තිබේ.
මේ වන විටත් ඉමදුව ප්රදේශයේ පහත් බිම් රැසක් ජලයෙන් යටවි තිබේ. හිනිදුම නෙළුව මාර්ගයේ ස්ථාන කිහිපයක් ජලයෙන් යටවී ඇත. ගංවතුරෙන් විපතට පත් ජනතාව බේරාගැනිම සදහා එම ප්ර දේශවලට බෝට්ටු හතරක් යොදවා ඇති බවද ආපදා කළමණාකරණ මධ්යස්ථානය පවසයි.
එමෙන්ම පවත්නා අයහපත් කාලගුණික තත්ත්වය හේතුවෙන් ඉමදුව ප්රාදේශීය ලේකම් කොට්ඨාශයේ දඬුවන ඇල පිටාර ගලා ඇත. බැදිපිට පාසල් මාවත ජලයෙන් යටවි තිබේ. මේ අතර දක්ෂිණ අධිවේගී මාර්ගයේ පින්නදුවත් ඉමදුවත් අතර කොටසේ අධිවේගී මාර්ගයට පහතින් දිවෙන උමං මාර්ග හතරක් ජලයෙන් යටවි ඇත.
ආපදාතත්ත්වයෙන් විපතට පත් ජනතාවට සහන සැලසිම සඳහා නෙළුව හා තවලම යන ප්රදේශවල ස්ථාන හතරක නාවික හමුදාවේ සහ යුධ හමුදාවේ කණ්ඩායම් හතරක් යොදවා ඇතැයි ගාල්ල දිස්ත්රික් ආපදා කළමණාකරණ මධ්යස්ථාන පවසයි.
