හැටන් රංජිත් රාජපක්ෂ –
ලංකා කම්කරු කොන්ග්රසයේ මහ ලේකම් සහ ජල සම්පාදන හා වතු යටිතල පහසුකම් අමාත්ය ජිවන් තොණ්ඩමන්ගේ ආරක්ෂාව සදහා යොදවා තිබු ඇමති ආරක්ෂක පොලිස් නිලධාරින් තිදෙනෙකුගේ ගිනි අවි තලවකැලේ පොලිසිය වෙත ඊයේ (01) දින භාර දි පැය කිහිපයකට පසු යලිත් ඇමති ආරක්ෂක අංශ නිලධාරින් පොලිසිය වෙත පැමිණ එම ගිනි අවි නැවත භාරගෙන ඇත.
පසුගිය දින කිහිපය තුළ අමාත්ය ජිවන් තොණ්ඩමන් නුවරඑලිය ප්රදේශයේදි නොසන්සුන්කාරි ලෙස හැසිරිම සහ ඊයේ දින එම පක්ෂයේ ආධාරකරුවන් පිරිසක් රැගෙන නුවරඑලිය පොලිසිය ඉදිරිපිටට ගොස් ජිවන් තොණ්ඩමන් අමාත්යවරයා නොසන්සුන්කාරි ලෙස හැසිරිම හේතුවෙන් ඇමති ආරක්ෂක අංශයෙන් අමාත්ය ජිවන් තොණ්ඩමන්ගේ ආරක්ෂක අංශ නිලධාරින් වෙත ලද නියෝගයක් මත එම නිලධාරින් ඊයේ (01) දින රාත්රී 7 ට පමණ තලවකැලේ පොලිසිය වෙත පැමිණ ඇමති ආරක්ෂක අංශ නිලධාරින් තිදෙනෙකුගේ ගිනි අවි භාර දි ඇත.
ඇමති ආරක්ෂක අංශයේ නිලධාරින්ගේ ගිනි අවි භාර ගන්නා ලෙස තලවකැලේ පොලිසියට පොලිස් දුරකථන පණිවිඩයක් ලැබි තිබු අතර , යලිත් පැය කිහිපයකට පසු පොලිසිය වෙත භාරගත් ගිනි අවි එම නිලධාරින්ටම යලි භාරදෙන ලෙස තලවකැලේ පොලිසියට ලද පොලිස් දුරකථන පණිවිඩයක් මත එම ගිනි අවි ඇමති ආරක්ෂක අංශයේ නිලධාරින් වෙත භාර දි තිබුණි.
පොලිස් පණිවඩිය අනුව ඇමති ආරක්ෂක අංශයේ නිලධාරින් ඊයේ (01) දින රාත්රි 11 ට පමණ තලවකැලේ පොලිසිය වෙත යලිත් පැමිණ ගිනි අවි භාරගෙන ඇත
