ශ්රී ලංකා වාමාංශික නායක අනුර කුමාර දිසානායකගේ මෑත කාලීන ඉහළ පෙළේ ඉන්දීය සංචාරය සාමාන්යයෙන් වෙනත් රටවල කීර්තිමත් පුද්ගලයින්ට කරන ලද සාමාන්ය ආරාධනයක් මත සිදුවූවක් මිස අසාමාන්ය දෙයක් නොවන බව ඉන්දීය මහ කොමසාරිස් සන්තෝෂ් ජා පවසයි.
ඊයේ කොළඹ පැවති උත්සවයකට එක් වූ මහ කොමසාරිස්වරයා EconomyNext වෙත පවසා ඇත්තේ මෙම ආරාධනය ඉන්දියාවේ ගෝලීය සංස්කෘතික සබඳතාවලට සම්බන්ධ ඉන්දීය රජයේ ස්වයං පාලන සංවිධානයක් වන සංස්කෘතික සබඳතා සඳහා වූ ඉන්දියානු කවුන්සිලයේ වෙනත් රටවල් සහ ඔවුන්ගේ ජනතාව සමඟ පැවැත්වූ සංස්කෘතික හුවමාරු වැඩසටහනක කොටසක් බවය.
“එය ශ්රී ලංකා නායකයෙකුට සාමාන්ය ආරාධනාවක්. සංස්කෘතික සබඳතා සඳහා වූ ඉන්දියානු කවුන්සිලයේ කීර්තිමත් අමුත්තන්ගේ වැඩසටහන නමින් වෙනත් රටවලින් ව්යාපාරික නායකයින්, දේශපාලන නායකයින් සහ සංස්කෘතික නායකයින් ඉන්දියාවට ගෙන ඒමේ යෝජනා ක්රමයක් තිබෙනවා. ඒ යෝජනා ක්රමය යටතේ තමයි ඔහුට ආරාධනා කළේ,” ජා පැවසීය.
ශ්රී ලංකාවේ අනෙකුත් ජනාධිපති අපේක්ෂකයින්ට ද ආරාධනාවක් අපේක්ෂා කළ හැකිදැයි EconomyNext කළ විමසීමක දි මහ කොමසාරිස්වරයා පවසා ඇත්තේ වෙනත් අපේක්ෂකයින් මීට පෙර ඉන්දියාවට ගොස් ඇති බවත් ඔවුන් සංචාරය කරන්නේ නම් එය ඔවුන්ගේ පළමු අවස්ථාව නොවන බවත්ය.
“නමුත් ඔවුන් පැමිණීමට කැමති නම්, ඔවුන් වඩාත් සාදරයෙන් පිළිගන්නවා,” ඔහු පැවසීය.
කෙසේ වෙතත්, ඉන්දියාවේ විදේශ කටයුතු අමාත්ය එස් ජයශංකර් සාකච්ඡාවක් සඳහා ඔහුව හමුවීමත් සමඟ දිසානායකගේ ආරාධනය තරමක් ඉහළ පෙළේ එකක් වූයේය.
මේ පිළිබඳව EconomyNext වෙත අදහස් දක්වමින් ජා මෙසේ පැවසීය:
“ශ්රී ලංකාවෙන් එන විශාල දේශපාලන පක්ෂයක නායකයෙකු රජයේ ජ්යෙෂ්ඨ ඇමතිවරුන් විසින් හැම විටම පිළිගනු ලබනවා.” එය කිසිසේත්ම අසාමාන්ය දෙයක් නොවන බවද ඔහු පැවසීය.
අනුර කුමාර දිසානායකගේ ඉන්දීය සංචාරය ශ්රී ලංකාවේ දේශපාලනය තුළ විශාල කථිකාවක් ඇති කළේය. පවතින තත්ත්වය තුළ ඔහුට ලැබෙන ජන ප්රසාදය ද ඉට හේතු වි තිබිණි.
ව්යවස්ථාව අනුව ශ්රී ලංකාව සිය ජනාධිපතිවරණය සැප්තැම්බර් 17 සහ ඔක්තෝබර් 17 අතර පැවැත්වීමට නියමිතව ඇත.
