කොළඹ නගර සභාවේ මන්ත්රීවරුන් 60 දෙනෙක් වූ බහුතරය ලිඛිතව විවෘත ඡන්දයක් ඉල්ලා සිටි අවස්ථාවක එය නොදී රහස් ඡන්දයක් පැවැත්වූ විට ඡන්ද 60 ඡන්ද 54ක් වීම විග්රහ කරගත හැක්කේ නිලධාරීවරුන්ගේ සිට පහළට පැවති ඩීල් එකක් බව පොදු ජන පෙරමුණේ ජාතික සංවිධායක පාර්ලිමේන්තු මන්ත්රී නාමල් රාජපක්ෂ පැවසුවේය.
අවුරුදු 76ක් පැරණි දේශපාලන පක්ෂ සමග යටින් ඩීල් දමාගෙන සිටි ජනතා විමුක්ති පෙරමුණ ඩීල් දේශපාලනය ඉවර කිරීමසඳහා පැමිණ එන්පීපී නමින් වෙනදාටත් වඩා කදිම ඩීල් දැමීමක් සිදුකරගෙන යන බව ද නාමල් රාජපක්ෂ පැවසුවේය.
ඔහු කීවේ මෙවැන්නකි.
ජනතා විමුක්ති පෙරමුණට එදා ඉඳන් පුරුදුයි යටින් ඩීල් දාලා. ඩීල් දේශපාලනය ඉවර කරන්න ආවා කියන ජෙ.වී.පී එක එන්.පී.පී. එක නමින් වෙනදාට වඩා හොඳට ඩීල් දාන එකත් පේනවා.
හැබැයි මේ මැතිවරණ ක්රමයේ දී ඔවුන්ට ඩීල් දාන්න අවස්ථාව ලැබිලා තියනවා. ඔවුන් ඩීල් එක දාලා තියනවා. නාමල් රාජපක්ෂ පැවසුවේය.
කොළඹ නගර සභා අතරින් තව එක නගර සභාවක්. රහස් ඡන්දයක් විමසන ආකාරය ගැනත් ආන්දෝලනාත්මකව සජීවීව දැකගන්න ලැබුණා. පසුගිය දිනවල පිහිටවපු හැම ප්රාදේශීය සභාවකම මේ දේ ඉස්මතු කෙරුවත් ජනතාවට එය දැක ගන්න ලැබුණෙ නෑ. හැබැයි කොළඹ නගර සභාව තුළ එය සජීවීව විකාශනය වීම නිසා යම් නිලධාරීන්ගේ හැසිරීමේ වෙනසක් අපි දැක්කා. මේ හැසිරීමේ වෙනස ඩීල් එකේ කොටසක් ද කියලා අපට හිතෙනවා.
පැහැදිලිවම හැටක් අත්සන් කරලා විවෘත ඡන්දයක් ඉල්ලනකොට එය නුදුන්නාම ඒක රහස් ඡන්දයක් වෙනකොට 54ට අඩු වෙලා අනෙක් පැත්තට 61ක් වෙනකොට අනිවාර්යයෙන්ම නිලධාරියාගේ ඉඳන් පහලට ඩීල් එකක් දාලා තියනවා.
මේ ආණ්ඩු යම් කාරණයක නිරත වෙනවා. ඒක දේශපාලනය. ඒ දේශපාලන කාරනාව ගැන අපි විවේචනය කරන්නේ නෑ. හැබැයි ජේවීපී එක බලයට ආවේ එවැනි දේශපාලනයෙන් මේ රට මුදවා ගන්නවා කියලා. ඒ අයම තමන් අවුරුදු 76ක් තිබුණු ආණ්ඩු එක්ක ඩීල් දැම්මා වගේ ඉදිරි කාලයේ දී ආණ්ඩුව පවත්වාගන්න ඩීල් දාන බවක් අපට පේනවා.
