මැතිවරණ කොමිෂන් සභාවේ සාමාජිකයන් සහ අගමැතිවරයා අතර අද (10) පැවති සාකච්ඡාව නිශ්චිත තීන්දුවකින් තොරව නිමා වී ඇත.
සාකච්ඡාව අතරතුරු මැතිවරණ කොමිසමේ ඉල්ලීම්වලට සාධාරණයක් සිදුකිරීමට කැපවන බව අගමැතිවරයා පවසා තිබේ.
එමෙන්ම මැතිවරණයට ඉදිරිපත් වූ රාජ්ය සේවකයින් ඔවුන් ඡන්දයට ඉදිරිපත්වන කොට්ඨාසයෙන් පිටත ස්ථානයකට පත්කර වැටුප් ගෙවීමට කටයුතු කිරීමට ද තීරණය කර තිබේ.
මැතිවරණ කොමිෂන් සභාවේ සාමාජිකයන් මුදල් අමාත්යාංශය සමඟ සාකච්ඡා කර ඡන්දය සම්බන්ධයෙන් ඉදිරියේදී ප්රකාශයක් නිකුත් කරනු ඇතැයි ද පළාත් පාලන මැතිවරණය එළඹෙන අප්රේල් 25 පැවැත්වීමට නොහැකි වනු ඇතැයි ද පළාත් සභා හා පළාත් පාලන රාජ්ය අමාත්ය ජනක වක්කුඹුර අගමැතිවරයා මැතිවරණ කොමිසම සමග කළ සාකච්ඡාවෙන් අනතුරුව මාධ්ය අමතා ප්රකාශ කළේය.
ජනක වක්කුඹුර මාධ්ය අමතා කීවේ මෙසේය.
“දැන් තියෙන තත්වය අනුව 25 වැනි දා ඡන්දය තියන්න අමාරුයි. ඒක ඕන කෙනෙකුට පේනවා. මොකද තැපල් ඡන්දය තිබ්බේ නැති නිසා. කොමිසම අප්රේල් විසිපස් වැනිදාට පෙර ඉදිරිය ගැන යම්කිසි ප්රකාශයක් කරාවි.”
“මුදල් අමාත්යාංශය සමඟ සාකච්ඡා කරලා මැතිවරණ කොමිසමේ ඉල්ලීම්වලට සාධාරණයක් ඉටු කිරීමට කැපවන බවට අගමැතිවරයා මෙහිදී ප්රකාශයක් කළා. මැතිවරණයට ඉදිරිපත් වූ රාජ්ය සේවකයන්ගේ වැටුප් ගෙවන ආකාරය ගැනත් සාකච්ඡා කළා. මැතිවරණ කොමිසමෙන් නිර්දේශයක් එවනවා කියලා කිව්වා. අනතුරුව එම නිලධාරීන් ඡන්දයට ඉදිරිපත්වන කොට්ඨාශයෙන් පිටත ස්ථානයකට පත්කරලා වැටුප් ගෙවන්න කටයුතු කරනවා.”
