පසුගිය 2022 වසරේ දී අක්කරෙයිපත්තු උසාවියට ගිනි තැබීම සඳහා පුද්ගයින් දෙදෙනෙක් වෙත කොන්ත්රාත්තුව ලබා දී තිබුණේ හිටපු නැගෙනහිර පළාත් සභා මන්ත්රී කේ. පුෂ්පකුමාර් නොහොත් ඉනියභාරතී බව අනාවණය වී තිබියදීත් අපරාධ පරීක්ෂණ දෙපාර්තමේන්තුව විසින් වසර දෙකක් තිස්සේ ඔහුව අත් අඩංගුවට ගෙන තිබුණේ නැති බව අනාවරණය වේ.
අද ඉනියභාරතී අත් අඩංගුවට ගැනීම සම්බන්ධව පොලිස් මාධ්ය කොට්ඨාසය විසින් නිකුත් කළ නිවේදනයේ ද ඇත්තේ “2022.12.21 වන දින අක්කරපත්තු අධිකරණයට ගිනි තබා අනර්ථයක් සිදු කිරීමේ සිද්ධියට මෙම සැකකරුවන්ගේ ඍජු සම්බන්ධතාවයක් ඇත් ද යන්න පිළිබඳ විමර්ශන කටයුතු සිදු කරනු ලබන බව” ලෙස නමුත් සිද්ධිය සම්බන්ධව අත් අඩංගුවට ගත් සැකකරුවන් අක්කරෙයිපත්තු පොලිසියට පවසා තිබුණේ තමන්ට ගිනි තැබීමේ කොන්ත්රාත්තුව භාර දුන්නේ ඉනියභාරතී බවත් ඔහු පොරොන්දු වූ කොන්ත්රාත් මුදල පවා නොගෙවා ලබා දුන්නේ රුපියල් පනස් දහසක් පමණක් බවත්ය.
සිද්ධියට සම්බන්ධ මුල් සැකකරුවන් සිවු දෙනා අත් අඩංගුවට ගෙන ඉනියභාරතී අත් අඩංගුවට ගැනීම සැරසෙන අවස්ථාවේ දී විමර්ශනය අක්කරෙයිපත්තු පොලිසියෙන් ඉවත් කර අපරාධ පරීක්ෂණ දෙපාර්තමේන්තුව වෙත ලබා දී තිබිණි.
වාර්තාවන පරිදි සිද්ධිය මෙසේය.
එවකට අක්කරෙයිපත්තු පොලිසියේ ස්ථානාධිපතිවරයාව සිටියේ දැන් කොළඹ අපරාධ කොට්ඨාසයේ ස්ථානාධිපති ධූරය දරන ප්රධාන පොලිස් පරීක්ෂක විජේතුංගය. ඔහු දක්ෂ විමර්ශකයෙක් ලෙස කීර්තියක් උසුලන නිලධාරියෙකි. කාන්තාවන් ඝාතනය කරමින් රට භීතියට පත් කළ කහවත්ත කොටකෙතන සැබෑ දාම ඝාතකයා අත් අඩංගුවට ගැනීමේ මෙහෙයුමේ ඔහුත් ප්රධාන භූමිකාවක් දැරුවේය.
අක්කරෙයිපත්තු උසාවියට ගිනි තබනා 2022 වසරේ අක්කරෙයිපත්තු පොලිසියේ ස්ථානාධිපතිවරයා ඔහුය.
අපරාධකරුවන් ගිනි තබා තිබුණේ උසාවියේ නව ගොඩනැගිල්ලේ පිහිටි ලේඛනාගාරය කොටසය. පා ගමනින් පැමිණි අපරාධකරු උසාවි ගොඩනැගිල්ලට ඇතුළු වී පෙට්රල් දමා ගිනි තබා තිබිණි. වාසනාවට ගින්න පැතිර ගියේ නැත.
සිද්ධිය වී දින තුනක් යන්නට පෙර අපරාධයට සම්බන්ධ මුල් දාමය අත් අඩංගුවට ගැනීමට අක්කරෙයිපත්තු පොලිසියට හැකි විය. එහි සැකකරුවන් තුන් දෙනෙක් වූහ. ඔවුන්ගෙන් කළ ප්රශ්න කිරීමේදි ඉනියභාරතී විසින් ලේඛනාගාරය තිබෙන ස්ථානය සහ විනාශ කළ යුතු ස්ථාන පැහැදිළිව දැක්වෙන ඡායාරූප වට්ස් ඇප් මගින් තමාගේ ජංගම දුරකතනයට එවූ බවත් ඒ ඔස්සේ අධිකරණ භූමියට 2022/12/ 21 වැනදා අලුයම් කාලයේ බවත් රහසේ ඇතුළු වී මෙම ගිනි තැබීම කළ බවත් ඔවුහු හෙළි කළහ.
ඒ සඳහා රුපියල් 50,000ක් ගිනි තැබීමට පෙර මෙම සැකකරුවන් අතට ඉනියභාරතී විසින් ලබා දී තිබිණි. ගිනි තැබීමට හේතුවක් තිබිණි. ඒ වනවිට ඉනියභාරතී බෙල්ල මුලින් හසුවන නඩු හතක් අක්කරෙයිපත්තු උසාවියේ විභාග වෙමින් තිබුණේය. කුප්රකට තරුණයින් 06 දෙනෙක් පැහැරගෙන ගොස් ඝාතනය කිරීම, ඉන් ප්රධාන එකය. උසාවියට ගිනි තැබීමේ මුඛ්ය හේතුව මේ ලිපිගොනු විනාශ කිරීම බව අනාවරණය විය.
සිද්ධිය මාට්ටු වෙනවාත් සමග ඉනියභාරතී ප්රදේශයෙන් පලා ගියේය. එහෙත් ඉන් ඉදිරියට විමර්ශන කටයුතු කරගෙන යෑමට අක්කරෙයිපත්තු පොලිසියට හැකිවන්නේ නැත. හේතු කීපයක් තිබිණි. දේශමාන්ය ගෞරව නාමය ද සහිත මේ අපරාධකරුවාට ඒ වනවිට පොලිස් ආරක්ෂාව ද පැවති රජයන් විසින් ලබා දී තිබිණි. ඒ තත්ත්වය තුළ අක්කරෙයිපත්තු පොලිසිය ඉනියභාරතී අත් අඩංගුවට ගැනීම ප්රශ්නසහගත වූයේය. අක්කරෙයිපත්තු පොලිසියෙන් ගලවා විමර්ශන අපරාධ පරීක්ෂණ දෙපාර්තමේන්තුවට දෙන්නේත් ඒ නිසා බව කියැවිනි.
කෙසේ වෙතත් එතැන් සිට ඒ විමර්ශනය යට ගියේය. හේතුවක් දන්නේ ඒ අපරාධ විමර්ශන කණ්ඩායම්ය.
අද අපරාධ පරීක්ෂණ දෙපාර්තමේන්තුවේ මනුෂ්ය ඝාතන සහ සංවිධානාත්මක අපරාධ විමර්ශන ඒකකයේ නිලධාරීන් විසින් ඉනියභාරතී අත් අඩංගුවට ගන්නේය . ඒ තමන් විසින් සම්පූර්ණ නොකළ විමර්ශනය අඩමානයට තබමින් තවත් ප්රබල අපරාධ චෝදනා 07ක් ගොනු කරමිනි. අපරාධ පරීක්ෂණ දෙපාර්තමේන්තුව අද උදෑසන අම්පාර දිස්ත්රික්කයේ තිරුකෝවිල් හි ඉනියභාරතී නවාතැන් ගෙන සිටි ප්රදේශය වටලා ඔහුව අත්අඩංගුවට ගත් බව වාර්තා විය.
මේ විමර්ශනත් සමග අක්කරෙයිපත්තු උසාවියට ගිනි තැබීමේ අපරාධයත් නැවැත්වූ තැනින් විමර්ශන ආරම්භ කරනු ඇතැයි රට අපේක්ෂා කරයි.
මේ ලිපිත් බලන්න….
අක්කරෙයිපත්තුව උසාවියට ගිනි තිබ්බේ කරුණාගේ ගෝල “දේශමාන්ය“ ඉනිය පාරතීගේ කොන්ත්රාත්තුවකට!
