ජාතික ඉන්ධන බලපත්රය හරහා ලබා දුන් ඉන්ධන කෝටාව ලබා ගැනීමට ලියාපදිංචි වූ වාහන 55,33054ක් අතරින් එය ආරම්භ කළ මුල් සතිය තුළ දී වාහන ලක්ෂ 43ක් (43,00238) ක් ඉන්ධන ලබාගෙන ඇති බව එම වැඩපිළිවෙළට සම්බන්ධ දත්ත පද්ධතිය හෙළි කරයි.
විදුලි බල සහ බලශක්ති අමාත්ය කාංචන විජේසේකර අද පෙරවරුවේ හෙළි කරන ලද මෙම තොරතුරුවලට අනුව දිවයින පුරා ඉන්ධන පිරවුම්හල් 1246ක QR කේත ක්රමය යටතේ ඉන්ධන බෙදා හැර ඇති අතර පසුගිය සතිය තුළ මෙම වාහන පෙටුල් ලීටර මිලියන 23.5ක් පමණ ( දෙකෝටි විසිතුන් ලක්ෂයක් ) පරිභෝජනය කර ඇති අතර ඩීසල් පරිභෝජනය කර ඇත්තේ ලීටර මිලියන 13ක් (එක්කෝටි තිස් ලක්ෂයක් ) පමණ සංඛ්යාවකි.ඒ අනුව පසුගිය සතිය තුළ පෙට්රල් පරිභෝජනය ඩීසල්වලට සාපෙක්ෂව දෙගුණයකට ආසන්න ප්රමාණයක් වේ.
පෙට්රල් පරිභෝජනය පිළිබඳ දත්ත සැලකීමේදී යතුරු පැදි මිලියන 2.5 (2576019ක්) සඳහා පෙට්රල් ලීටර මිලියන 10ක් වැය වී ඇති අතර කාර් රථ පෙට්රල් ලීටර මිලියන 9කට ආසන්න ප්රමාණයක් පරිභෝජනය කර ඇත. එසේම ජාතික ඉන්ධන බලපත්රය සඳහා ලියාපදිංචි කළ ත්රි රෝද රථ 947 631ක් අතරින් පසුගිය සතිය තුළ ඔවුන්ට ලබා දෙන ඉන්ධන කෝටාව ලබාගෙන ඇත්තේ ත්රි රෝද රථ 728150කි. එම ත්රි රෝද රථ ලබාගෙන ඇති ඉන්ධන ප්රමාණය ලීටර 35,62,616ක් වන අතර එක් ත්රි රෝද රථයක් ලබාගෙන ඇති සාමාන්ය ලීටර ප්රමාණය වන්නේ ලීටර ආසන්න වශයෙන් 5කි.
ඩීසල් පරිභෝජනය පිළිබඳව සැලකීමේදී බස් රථ 28498ක් ඩීසල් ලීටර මිලියනයකට ආසන්න ප්රමාණයක් ලබාගෙන ඇති අතර කාංචන විජේසේකර පවසන්නේ ලංගම ඩිපෝ හරහා නියමිත කෝටාවට වැඩි ප්රමාණයක්ද බස් රථ සඳහා ඉන්ධන ලබා දුන් බවය. ලොරි රථ 205428ත් සඳහා ආසන්න වශයෙන් ලීටර මිලියන 7.7ක් පමණ ලබාගෙන තිබේ.
විදුලි බල සහ බලශක්ති අමාත්යංශය විසින් නිකුත් කරන ලද නවතම දත්ත වගුව පහත වේ
