වැඩතහනමට ලක්ව සිටින පාර්ලිමේන්තුවේ නියෝජ්ය මහ ලේකම් චමින්ද කුලරත්න විසින් ගොනු කර ඇති රිට් පෙත්සම ඊයේ (27) අභියාචනාධිකරණ සභාපති විනිසුරු ජනාධිපති නීතිඥ රොහන්ත අබේසූරිය සහ විනිසුරු ප්රියන්ත ප්රනාන්දු හමුවේ කැඳවනු ලැබීය.
එහිදී මෙම නඩුවට අදාළ කරුණු තහවුරු කිරීම සඳහා 2026 ජූනි මස 02 වනදා දින නියම විය.
මෙම නඩු වාරයේදී විශේෂත්වයක් වූයේ මින් පෙර අවස්ථාවලදී කතානායක වෙනුවෙන් නීතිපතිවරයා පෙනී සිටියද, ඊයේ දින කතානායක වෙනුවෙන් ජනාධිපති නීතිඥ කනග්-ඊශ්වරන් පෙනී සිටීමය. මෙම නඩුව සම්බන්ධයෙන් කිසිදු සමතයකට පැමිණීමේ සූදානමක් නොමැති බව කතානායක වෙනුවෙන් මෙහිදී නීතිඥ කනග් ඊශ්වරන් අධිකරණයට දන්වා සිටින ලදී.
අමාත්ය බිමල් රත්නායක සහ අමාත්ය අනිල් ජයන්ත වෙනුවෙන් නීතිඥ ශාන්ත ජයවර්ධන සමඟ පෙනී සිටි ජනාධිපති නීතිඥ නයිජල් හැච්, මෙම පෙත්සම විභාග කිරීමට අධිකරණයට ඇති බලය (Jurisdiction) සම්බන්ධයෙන් මූලික විරෝධතාවක් නගන බව නැවත අවධාරණය කළේය.
තවත් වගඋත්තරකරුවෙකු වෙනුවෙන් පෙනී සිටි ජනාධිපති නීතිඥ උපුල් කුමරප්පෙරුම ද මීට පෙර අවස්ථාවකදී අධිකරණ බලය පිළිබඳ මූලික විරෝධතා මතු කර තිබුණි.
පාර්ලිමේන්තු මහ ලේකම්වරිය වෙනුවෙන් ජනාධිපති නීතිඥ උදිත ඉගලහේවා ද, සහකාර පාර්ලිමේන්තු මහ ලේකම් හංස අබේරත්න වෙනුවෙන් ජනාධිපති නීතිඥ කුවෙර ද සොයිසා ද පෙනී සිටියහ.
