ජාතික ජන බලවේගයේ පුත්තලම දිස්ත්රික් පාර්ලිමේන්තු මන්ත්රී මුහම්මද් ෆයිසාල් ගමන් ගත් මෝටර් රථය හලාවත, බණ්ඩාරවත්ත ප්රදේශයේදී තාප්පයක ගැටී ඊයේ (29) රාත්රියේ බරපතළ අනතුරකට ලක්ව තිබේ.
අනතුර සිදුවන අවස්ථාවේදී රථය පදවාගෙන පැමිණ ඇත්තේ මන්ත්රීවරයා බවට තොරතුරු වාර්තා වන අතර රථයේ ගමන් කරමින් සිට ඇත්තේත් මන්ත්රීවරයා පමණය.
ඊයේ රාත්රී 11.45 ට පමණ හලාවත – බණ්ඩාරවත්ත ප්රදේශයේ වංගුවක් අසලදී මෙම අනතුර සිදුව ඇත. වේගයෙන් පැමිණි මෝටර් රථය පාලනය කරගත නොහැකිව මාර්ගයෙන් ඉවතට පැන අසල තිබූ තාප්පයක ගැටී ඇති බව වාර්තා වේ.
ගැටීමේ ප්රබලත්වය හේතුවෙන් මෝටර් රථයට මෙන්ම තාප්පයට ද දැඩි හානි සිදුව තිබේ. අනතුර සම්බන්ධයෙන් හලාවත පොලිසිය වැඩිදුර විමර්ශන සිදු කරයි.
