ජාත්යාන්තර මූල්ය අරමුදල සමග කළ සාකච්ඡාවල වත්මන් රජය රාජ්ය තාන්ත්රික ලෙස සහභාගී වු තුන් වැනි සමාලෝචනයේ දී උපයන විට ගෙවන බද්ද සංශෝධනය කරගත් ආකාරය අද ජනාධිපතිවරයා පාර්ලිමේන්තුවේ දී පැහැදිලි කළේය.
ජනාධිපති අනුර කුමාර දිසානායක මේ බව පැහැදිලි කළේ අද (18)පාර්ලිමේන්තුවේ දි විශේෂ ප්රකාශයක් සිදුකරමිනි. ඔහු පසුගිය රජය අයි.එම්.එෆ් සමග දෙවැනි සමාලෝචනයේ දී එකඟ වූ දේ සහ වත්මන් රජය තුන්වැනි සමාලෝචනයේ දී වෙනස් කරගත් දේ ගැන පැහැදිලි කරමින් මෙසේ පැවසුවේය.
2025 වසරේ දී ආරෝපිත කුලී ආදායම මත දේපල මත බදු පැනවීම සඳහා දෙවැනි සමාලෝචනයේ දී එකඟතාවයකට පැමිණ තිබුණා. ඒ සමගම සේවා අපනයන මත සියයට 30 සංස්ථාපිත බද්දක් සඳහා එකඟ වෙලා තිබුණා. ඒ වගේම ජනවාරි මාසය වනවිට විශේෂ වෙළෙඳ භාණ්ඩ බද්ද ඉවත් කර එකතු කළ අගය මත බද්ද මගින් ආදේශ කිරීම යෝජනා වෙලා තිබුණා. විශේෂ වෙළෙඳ භාණ්ඩ බද්ද මගින් තමයි අපේ රටේ දේශීය නිශ්පාදකයින් ආරක්ෂා කරගැනීම සඳහා බදු පැනවීම පහළ නැන්වීම බදු ඉහළ නැන්වීම කරන්නේ විශේෂ වෙළෙඳ භාණඩ බද්ද හරහා. නමුත් දෙවැනි සමාලෝචනයේ දි එකඟ වෙලා තිබුනා මේ පනත අහෝසි කරලා වැට් බද්ද ගේන්න. ඒ වගේම පුද්ගලික ආදායම් මත බදු පැනවීම ඒ ලෙසම පවත්වා ගන්න තමයි එකඟතාවයන් තිබුණේ.
2025 අප්රේල් මස සිට සරල කරන ලද එකතු කිරීමේ බද්ද එස් වැට් එක ඉවත් කිරීමට එකඟතාවයකට ආවා. මේක තමයි දෙවැනි සමාලෝචනයේදී එකඟතාවයන්.
අපේ යෝජනාවන් වුනේ වෘත්තීයවේදින්ම තම පනවා තිබූ පේයී ටැක්ස් එක වෙනස් කරගැනීම. ඔවුන් තුළ මේ පිලිබඳව විශාල කණගාටුවක් තිබුණා. අප නැවත සාකච්ඡා ආරම්භ කළා. බද්ද පනවන සීමාව ලක්ෂ එක හමාර දක්වා වැඩි කරගත්තා.
සියයට හයකට බද්ද ලක්ෂ පහේ සිට ලක්ෂ දහය දක්වා ඉහළ නැන්වීමේ සංදේ
ලක්ෂ එක හමාරක් මාසික වැටුපක් ගන්න කෙනෙකුගේ සියයට සීයක් නිදහස්. ලක්ෂ 2ක වැටුපක් ගන්න කෙනෙකුගේ වැටුප සඳහා බද්ද සියයට 71කින් නිදහස්.
ලක්ෂ 2.5ක් වැටුපක් ගන්න කෙනෙකුගේ බද්ද සියයට 61කින් නිදහස්. ලක්ෂ 3ක් ගන්න වැටුපක් ගන්න කෙනෙකුගේ බද්ද සියයට 47කින් නිදහස්.
ලක්ෂ තුන හමාරක් වැටුපක් ගන්න කෙනෙකුගෙ බද්ද සියයට 25.5කින් නිදහස්.
අඩු ආදායම් ලබා ගන්නා අයට වැඩි සහනයකුත් වැඩි ආදායම් ලබා ගන්නා අයට වැඩි සහනයකුත් ලැබෙන ආකාරයට අපට පේඊ ටැක්ස් එක සංශෝධනය කරගන්න හැකි වී තිබෙනවා.”
ජනාධිපතිවරයා සිය කතාව අතර කීවේය.
