ශ්රීමතී විජේරත්න –
පාදෙණිය අනුරාධපුර මාර්ගයේ මහගල්කඩවලදී අද (15) දින සිදුවූ යතුරුපැදි අනතුරකින් මහජන ආරක්ෂක ඇමති ආනන්ද විජේපාලයේ සොයුරෙක් ඛේදජනක ලෙස මිය ගොස් තිබේ.
ගල්ගමුව පොලිසිය පවසන්නේ අද පෙරවරු 6.30ට පමණ මෙම අනතුර සිදුව ඇති බවය.
මහ ඉලුප්පල්ලම පදිංචි ආනන්ද විජේපාලගේ සොහොයුරෙක්වන කරුකුල සුරිය මුදියන්සේලාගේ පියසේන දිසානායක (63) මෙම රිය අනතුරින් මරණයට පත්ව ඇත.
ඔහු මහ ගල්කඩවල ප්රදේශයේ පදිංචි තම බාල සොහොයුරාගේ නිවසේ උත්සව අවස්ථාවකට සහභාගී වී යතුරු පැදියෙන් තනිවම ආපසු තම නිවස බලා යමින් සිටියදී මෙම අනතුර සිදුව තිබේ.
මහගල්කඩවල වංගුව ප්රදේශයේ නවතා තිබූ ලොරියක ගැටී ඔහු මරණයට පත්ව ඇත.
ගල්ගමුව පොලිසියේ රථ වාහන අංශයේ නිලධාරීහු වැඩිදුර පරීක්ෂණ මෙහෙයවති.
