බොරැල්ල සහසරපුර සිරිසර උයන ක්රීඩාංගනයේ රැඳී සිටි පුද්ගලයන් පස් දෙනකුට යතුරු පැදියකින් පැමිණි නාඳුනන කුලී ඝාතකයින් දෙදෙනකු විසින් සිදුකළ කළ වෙඩි තැබිමකින් එම පුද්ගලයන් පස්දෙනාම තුවාල ලබා කොළඹ ජාතික රෝහලට ඇතුළත් කර ඇති බව බොරැල්ල පොලිසිය පවසයි.
රෝහල් ආරංචි මාර්ග වාර්තා කරන ආකාරයට ඉන් දෙදෙනෙක් මේ වනවිට ඉන්නේ දැඩි අසාධ්ය තත්ත්වයෙනි.
අද රාත්රී 8.40ට පමණ සිදුකළ මෙම වෙඩි තැබීම ටී 56 ගිනි අවියකින් සිදුකර තිබුණු අතර වෙඩි ප්රහාර 20කට වඩා එල්ල කළ කුලී ඝාතකයින් පලා ගොස් තිබේ.
මෙම වෙඩඩි තැබීම සිදුකර ඇත්තේ මත්ද්රව්ය ජාවාරම් කරුවෙක් මෙන්ම සංවිධානාත්මක අපරාධකරුවකු වන චතු නැමැත්තාගේ පාර්ශවයේ කණ්ඩායමකට බවත් මත්ද්රව්ය ජාවාරම් සම්බන්ධයෙන් පසුගිය දිනවල සිදු වූ වෙඩි තැබීම්වලට පළිගැනීමක් වශයෙන් මෙම වෙඩි තැබීම සිදු කරන්නට ඇතැයි සැක කරන බවත් විමර්ශන අංශ පවසයි.
බොරැල්ල පොලිසිය, කොළඹ අපරාධ කොට්ඨාශය, පොලිස් විශේෂ කාර්ය බළකාය ඇතුළු පොලිස් කණ්ඩායම් කීපයක් විමර්ශන ආරම්භ කර ඇත.
වෙඩික්කරුවන් පැමිණි ආකාරය සම්බන්ධයෙන් සිසි ටීවී දර්ශන ඔස්සේ සැකකරුවන් අත්අඩංගුවට ගැනීම සඳහා විමර්ශන දියත් කර තිබේ.
