රට ඉදිරියට ගෙන යාම සඳහා ජනාධිපති ගෝඨාභය රාජපක්ෂ මහතා ප්රමුඛ රජය ඉදිරිපත් කර ඇති වැඩපිළිවෙළ සාර්ථකව සිදුකරගෙන යාමට ආණ්ඩුක්රම ව්යවස්ථාවේ විසි වෙනි සංශෝධන කෙටුම්පතේ ඇතැම් වගන්ති බාධාවක් විය හැකි බැවින් ඒවා නිවැරැදි කර ගැනීමට වහා පියවර ගත යුතු බව යුතුකම සංවිධානයේ කැඳවුම්කරු සහ පොදුජන පෙරමුණේ ජාතික ලැයිස්තු පාර්ලිමේන්තු මන්ත්රී ගෙවිඳු කුමාරතුංග මහතා ලංකාසරට පැවසීය.
ආණ්ඩුක්රම ව්යවස්ථාව සකස් විය යුත්තේ රට ගැන සිතා මිස පුද්ගලයකු ගැන සිතා නොවන බව පෙන්වා දෙන ඒ මහතා විසිවෙනි සංශෝධනය යටතේ ඇති කරුණු ගෝඨාභය රාජපක්ෂ මහතා රට වෙනුවෙන් රටට හිතෛෂීව ක්රියාත්මක කළ ද වෙනත් ජනාධිපතිවරයෙක් හෝ වෙනත් පාලනයක් යටතේ එය එසේ සිදු නොවී අත්තනෝමතික ආකාරයට කටයුතු කල හැකි බවත් එවැනි ගමනකට අවශ්ය කරන සාධක මෙම සංශෝධනය තුළ අන්තර්ගත වන බවත් පෙන්වා දුන්නේය.
ආණ්ඩු ක්රම ව්යවස්ථාවේ දහනව 19 වැනි සංශෝධනය හරහා පැවති ආණ්ඩුව රටට සිදුකළ ඇතැම් විනාශකාරී වැඩපිළිවෙළට එරෙහිව තම සංවිධානය රටේ පුළුල් ව්යාපාරයක් ගෙනගිය බව සිහිපත් කළ ගෙවිඳු කුමාරතුංග මහතා විසිවැනි සංශෝධනය සියලු සියළුදෙනාටම පිළිගතහැකි රටේ අනාගත අභියෝග ජයගත හැකි එකක් බවට පත්කර ගැනීම සඳහා ආණ්ඩුව සමඟ ඉදිරියේදී ඉදිරියේ දී සාකච්ඡා කරන බව ද සදහන් කළේය.
රටට අහිතකර විවිධ අණපනත් වෙනුවෙන් ඊට එරෙහිව ශ්රේෂ්ඨාධිකරණය හමුවට යෑම යෑමේ හැකියාව තිබිය යුතු වුවත් විසිවෙනි සංශෝධනය මගින් එම අවස්ථාව අහිමි කර තිබෙන බවත් ඒ ගැන නැවත සිතා බලා එය නිවැරදි කර ගැනීමට කටයුතු කළ යුතු බවත් මන්ත්රීවරයා පවසයි.
දහනව වැනි සංශෝධනය මගින් කැබිනට් ඇමති සංඛ්යාව 30 කට හා රාජ්ය හා නියෝජ්ය ඇමති සංඛ්යාව 40 ක ට සීමා කර තිබුණත් එය වෙනස් කරමින් පැවති ආණ්ඩුව කටයුතු කළ නමුත් විසි වෙනි සංශෝධනයෙන් එම වගන්තිය ඉවත් කර තිබෙන බවත් එසේ ඉවත් කළේ ඉදිරියේදී ඇමති සංඛ්යාව වැඩි කරන්නද එසේ නැතිනම් වෙනත් අරමුණක් ඇතිව ද යන්න පිළිබඳව නිවැරැදි කරගත යුතුව තිබෙන බවත් ඒ මහතා සඳහන් කළේය.
වගන්තිය වෙනස් කලාට ඇමති තනතුරු වැඩි කිරීමක් සිදු නොකරන බව රජය පැත්තෙන් ජනමාධ්යයට ප්රකාශ කර තිබුණ බවත් වත්මන් පාලනය යටතේ එලෙස වෙනස් නොකළත් අනාගතයේ වෙනත් පාලනයක් යටතේ එය වෙනස් වී ඇමති සංඛ්යාව රටට ඔරොත්තු නොදෙන ආකාරයට පත්කර ගැනීමේ පත්කර ගැනීමේ හිඩසක් එහි නිර්මාණය කර තිබෙන බවත් හෙතෙම පෙන්වා දුන්නේය.
කප්පම් දේශපාලනය තුරන් කිරීම ජනාධිපතිතුමාගේ බලාපොරොත්තුව බව එතුමා රටට ප්රකාශ කළ බව සිහිපත් කරන ගෙවිඳු කුමාරතුංග මහතා ඇමති සංඛ්යාව වැඩි කිරීමට විසිවැනි සංශෝධනය හරහා ඉඩ සලසා දීම කප්පම් දේශපාලනයට වක්රව පාර කැපීමක් යැයි පෙන්වා දුන්නේය.
ද්විත්ව පුරවැසියෙකුට පාර්ලිමේන්තුවට තේරී පත්වීමට හැකියාව ලබාදීම, ජනාධිපති ධුරය සඳහා ඉදිරිපත් වීමට ඇති වයස් සීමාව 35 දක්වා අඩු කිරීම වැනි කරුණුවලින් රටට හෝ ජනතාවට ප්රයෝජනයක් නොලැබෙන බවද මන්ත්රීවරයා සඳහන් කළේය.
ද්විත්ව පුරවැසිභාවය ඇති අයෙකුට පාර්ලිමේන්තුවට පිවිසිය හැකි බවට විසි වැනි සංශෝධනයට ඇතුළත් කිරීම බැසිල් රාජපක්ෂ මහතා වෙනුවෙන් සිදුකළ දෙයක් බවට පෙන්වීමට ඇතැම් සමාජ මාධ්ය කටයුතු කරමින් සිටින බව පෙන්වා දෙන ඒ මහතා සැබැවින්ම තමන් ඒ කාරණය සම්බන්ධව විරුද්ධ වන්නේ එවැනි පුද්ගලයකු ඉලක්ක කරගෙන නොව එවැන්නක් රටට අහිතකර වීමට ඉඩ ඇති නිසා බව පැවසීය.
දහනවවැනි ව්යවස්ථා සංශෝධනයේ හතර සහ හත්වැනි උප වගන්තිය යටතේ මව්බිම වෙනුවෙන් ප්රතිඥා දෙකක් ලබාදී තිබෙන අතර විසි වෙනි සංශෝධනයෙන් හත්වැනි උප වගන්තිය ඉවත් කර තිබෙන බවත් එම වගන්තියෙන් කියවෙන්නේ රට බෙදීමට සෘජුව හෝ අන්ය ආකාරයකින් හෝ ආධාර උපකාර නොදෙන බවට ප්රතිවිරුද්ධ බවයි .
එය හිතාමතා ඉවත් කළ දෙයක් නොවන බව තම විශ්වාසය බව ද ඒ මහතා සඳහන් කළේය කෙසේ වෙතත් 20 වැනි සංශෝධනයේ මේ තාක් මතුවූ ගැටළුවලට අමතරව තවත් ගැටළු ඉදිරියේ දී මතු විය හැකි බවත් ඒ සියලු කරුණු ගැන පුළුල්ව සලකා බලා ආණ්ඩුව සමඟ සාකච්ඡා කර නිවැරදි කර ගැනීමට උපරිම උත්සාහ කරන බවත් හෙතෙම වැඩිදුරටත් පැවසීය.
