ජාත්යන්තර පාපන්දු සම්මේලනයේ තහනමකට ලක්ව ඇති ශ්රී ලංකා පාපන්දු ආයතනයේ පරිපාලනය ක්රීඩා ඇමැති රොෂාන් රණසිංහ විසින් වහාම ක්රියාත්මකවන පරිදි අත්හිටුවා නිසි බලධාරියෙක් යටතට එම සම්මේලනය පත් කර තිබේ.
ක්රීඩා සංවර්ධන දෙපාර්තමේන්තුවේ වැඩබලන අධ්යක්ෂ ජනරාල් අනුර මුතුමාල නිසි බලධාරීවරයා ලෙස පත් කිරීමට ඇමතිවරයා කටයුතු කර ඇත.
ක්රීඩා ඇමතිවරයා විශේෂ ගසට් නිවේදනයක් නිකුත් කරමින් පවසා සිටින්නේ ක්රීඩා පනත යටතේ පැවරී ඇති බලතල අනුව අදාළ පාපන්දු පරිපාලන අත්හිටුවීම සිදු කොට ඇති බවය.
1973 අංක 25 දරන ක්රීඩා පනතේ 32 (ආ) සහ 33 වගන්ති යටතේ ක්රීඩා ඇමැතිවරයාට පැවරී ඇති බලතල අනුව මෙලෙස පාපන්දු ආයතනයේ ලියාපදිංචිය තාවකාලිකව අත්හිටුවීමට කටයුතු කර ඇති අතර, තාවකාලික කාර්යය ක්රමයක් වශයෙන් එකී ජාතික ක්රීඩා සංගම්/සම්මේලනයන්හි පරිපාලන සහ වෙනත් යම් අවැසි කටයුතු සහ අදාළ නිලවරණයන් කැඳවීමට හා පැවැත්වීමටත් එතෙක් යථායෝග්ය අයුරින් ඉටු කිරීම උදෙසා 2023 අප්රේල් මස 04 වැනි දින සිට ක්රියාත්මක වන පරිදි ක්රීඩා සංවර්ධන දෙපාර්තමේන්තුවේ ක්රීඩා අධ්යක්ෂ ජනරාල්වරයා නිසි බලධාරියා පත් කරන බවත් එම ගැසට් නිවේදනයේ දැක්වේ
ජාත්යාන්තර තහනමකට ලක් වී ඇති පාපන්දු සම්මේලනයේ අර්බුද සොයා බැලීමට ඇමතිවරයාගේ මැදිහත්වීම මත හිටපු මහාධිකරණ විනිසුරු කුසලා සරෝජනී වීරවර්ධනගේ සභාපතිත්වයෙන් යුතු විශේෂ විමර්ශන පංච පුද්ගල කමිටුවක් පත්කළ අතර එම විමර්ශන අවසන් වීමෙන් පසු කමිටු වාර්තාව පසුගිය 4 වැනිදා ක්රීඩා ඇමැතිවරයාට භාර දී තිබිණි.
එමෙන්ම ශ්රී ලංකා පාපන්දු ආයනතේ සභාපති හිටපු පාර්ලිමේන්තු මන්ත්රී ජේ.සී රංගා මේ වනවිට ඉන්නේ බන්ධනාගාරයේය.
