ප්රධාන පෙළේ මත්ද්රව්ය ජාවාරම්කරුවකු වන නදුන් චින්තක වික්රමරත්න හෙවත් හරක් කටා , පානදුරේ කුඩු සළිඳු ඇතුළු කණ්ඩායමට ඩුබායි සිට මැඩගස්කරය බලා ගමන් කිරීමට පෞද්ගලික ජෙට් යානාවක් ලබා ගැනීම සඳහා මුදල් වියදම් කළ පුද්ගලයා පිළිබඳව අපරාධ පරීක්ෂණ දෙපාර්තමේන්තුව පානදුර අධිකරණයට කරුණු වාර්තා කර තිබුණි.
ඒ අනුව ඔවුන් සඳහන් කර තිබුණේ නිර්මාණ බණ්ඩාර හෙවත හර්බි නැමැත්තකු මෙම ගුවන් යානාව වෙන් කරවාගෙන ඇති බවය.
මෙම පුද්ගලයා කවුරුන්දැයි මේ වනවිට විමර්ශන අංශ හඳුනාගෙන ඇති බව සඳහන් වේ. නිර්මාණ බණ්ඩාර අධිකරණයට පවසා තිබුණේ තමන්ගේ භාණ්ඩ හා සේවා ව්යාපාරය වෙත නදුන් චින්තක වික්රමරත්න නැමැති පුද්ගලයා විසින් මුදල් ගෙවා කළ ඉල්ලීමක් මත තමන් එම ජෙට් යානය ඔවුන් වෙත වෙන් කර දුන් බවය.
විමර්ශන මගින් හෙළිවන තොරතුරු අනුව නිර්මාණ බණ්ඩාර නැමැති මෙම පුද්ගලයා දැනට ඩුබායි රාජ්යයේ වැඩි වශයෙන් කල් ගත කරන තරුණයෙකි. ඔහු එරට භාණ්ඩ නැව් ගත කිරීමේ ව්යාපාරයක් පවත්වාගෙන යන බව සඳහන් වේ.
නිර්මාණ බණ්ඩාර මහනුවර උපත ලද පුද්ගලයකු වන අතර ඔහුට කුණ්ඩසාලේ ප්රදේශයේ අති නවීන පන්නයේ මහල් නිවාසයක් හිමි බව අනාවරණය වී ඇත.
මහනුවර සිට කොළඹ පැමිණ දුෂ්කර ජීවිතයක් ගත කර ඇති ඔහු පසුව ගොඩ නගා ගන්නා දැන හැඳුනුම්කම් මත විවිධ මුදල් ඉපයීමේ ව්යාපාරවලට සම්බන්ධව ඇත.
කලක් සිංගප්පූරුවේ සිටි නිර්මාණ බණ්ඩාර එරට ද භාණ්ඩ නැව්ගත කිරීමේ ව්යාපාරයක් පවත්වාගෙන ගොස් ඇති අතර එරට සිට ගෘහ භාණ්ඩ මෙරටට ආනයනය කර විකිණීමේ ව්යාපාරයක් ද කරගෙන ගියේය.
ගායකයින් නළු නිළියන් ඇතුළු කලා ලෝකයේ මෙන්ම මාධ්ය ක්ෂේත්රෙය්ද දැන හැදුනුම්කම් රැසක් ඇති ඔහුට නීතිය හා සාමය රකින ආයතනවලද ඉහළ සම්බන්ධතා තිබිණි.
ඔහු සිංගප්පූරුවේ කල් ගත කරන කාලයේදී මෙරටින් ගායක ගායිකාවන් ගෙන්වා සංගීත ප්රසංග කිහිපයක්ද සංවිාධනය කර ඇත.
2005 2006 ආසන්න කාලයේදී දමිළ ව්යාපාරිකයකු සිංගප්පූරුවේ දී පැහැර ගෙන ලක්ෂ 50ක කප්පම් ලබා ගැනීමේ සිද්ධියකට සම්බන්ද ව ඔහුට චෝදනා ඉදිරිත් වූයේය.
ඔහු සමඟ මෙම තටයුත්තට පාතාල සාමාජිකය් කිහිප දෙනකුද සම්බන්ධ වූ බවට වාර්තා විය. ඔහු මේ හේතුව නිසා අත් අඩංගුවට ද පත්විය.
එමෙන්ම ඔහු විදේශ මුදල් හුවමාරු කිරීමේ උන්ඩියල් ව්යාපාාරයක් ද පවත්වාගෙන යන බවට තොරතුරු ලැබී තිබේ. කුඩු සළිඳු සහ හරක් කටා මෙරට උපයන මුදල් විදේශවලට ඔහු හරහා යවා තිබේද, යන්න පිළිබඳව මේ වනවිට විමර්ශන අංශවල විශේෂ අවධානය යොමු වී ඇතැයි විමර්ශන ආරංචි මාර්ග කියයි.
