අපි මඩ කුඹුරේ සීසාමින් සිටිමු. ගාල්ලේ මැච් ගසා අමතක නොවන කෑමක් කා ඇත. ඒ ඔස්ට්රේලියාව විසින් පළමු ඉනිමේ රැස් කරගත් ලකුණු ශ්රී ලංකා කණ්ඩායම ලකුනු 165කට සියල්ල දැවී ගොස්ය. ඒ ඔස්ට්රේලියාව මුල් ඉනිමේ රැස් කළ ලකුණු 654ට පිළිතුරු ලෙසය. උස්මන් කවාජා තනියම ගැසූ ලකුණු ගණන 232කි. අපේ මුළු ලකුණු ගණන ඒ සංඛ්යාවටත් වඩා 67ක් පහළිනි. ඊයේ වරුවක් වැස්සේය. වැස්සෙන්වත් ගොඩ යන්නට බැරි තරම් වැඩේ කුජීතය.
ඉනිමක පරාජයෙන් බේරෙන්නට ලකුණු 489ක් ලබා ගත යුතුය.
ඔස්ට්රේලියාව ලකුණු 654ක් ගසා හති වැටී නැවැත්තුවේය. ඒ කඩුලු 06ක් පමණක් දැවී තිබෙද්දීය. උස්මන් කවාජා ලකුණු 232කි. නායක ස්ටීවන් ස්මිත් ලකුණු 141කි. ජොෂ් ඉන්ග්ලිෂ් ලකුණු 102කි. ට්රෙවිස් හෙඩ් ලකුණු 57කි. ඇලෙක්ස් කැරී නොදැවී ලකුණු 46කි. උන් ඇඬෙන්න ගැහුවේය. ප්රභාත් ජයසූරිය ලකුණු 193කට කඩුළු 03ක් ජෙෆ්රි වැන්ඩර්සේ ලකුණු 182කට කඩුලු 3ක් ලැබුවේය. ප්රභාත් ජයසූරිය මුල් ඉනිම අවසන් වනවිට ඕවර 60ක් දමා තිබිණි. වැන්ඩර්සේ ඕවර 38කි. ඔවුන් ඕවර 154ක් ක්රීඩා කළේය.
ඒත් අපි ක්රීඩා කළේ ප්රභාත් ජයසූරිය තනියම දැමූ ඕවර 80ටත් වඩා ඕවර 28ක් අඩුවෙනි. ඕවර 52.2කින් සියල්ලො දැවී ගියහ. ලකුණු 165න් 72ක් චන්දිමාල්ගේය. දිමුත් කරුණාරත්න, ඈන්ජලෝ මැතිව්ස්, ඕෂධ ප්රනාන්දු දැවී යන්නේ ලකුණු 10ට අඩුවෙනි. සමස්ථයක් ලෙස ශ්රි ලංකා ක්රීඩකයින් 06 දෙනෙක් ලකුණු 10ට අඩුවෙන් දැවී යන්නේය. නැගී එන ටෙස්ට් ක්රීඩකයා ලෙස සම්මානිත කමිඳු ලකුනු 15කි. ධනංජය ද සිල්වා ලකුණු 22කි. කුසල් මෙන්ඩිස් ලකුණු 21කි.
දඟපන්දු යවන ක්රීඩක මැතිව් කුහ්නෙමන් පන්දු ඕවර 18.2ක දී ලකුණු 63කට කඩුළු 05කි. මිචෙල් ස්ටාර්ක් කඩුළු 02කි. නේතන් ලියොන් ලකුණු 57කට කඩුළු 03කි.
අපට දැන් හිතෙන පරිදි ශ්රී ලංකාවට මඩ කුඹුරේ මැච් දිනන්නටත් මුලින්ම ටොස්ට් එක දිනිය යුතුය. පිච් එක හදා ඇත්තේ ඒ ආකාරයට. ටොස්ට් එක පරදින එකා මැච් එක පරාදය. පිච් එක හැදුවා සේ ටොස්ට් එකත් ගේමක් ගසා ගන්න සැලසුමක් දැන් අපට තිබිය යුතුය. මේ බලන් ඉන්න අපට හිතෙන හැටිය.
අපි බලා ඉන්නේ ඉනිමකුත් ලකුණු 300ක් වැනි කතාවක් නො අසා පරාජය වනතුරුය.
