ශ්රී ලංකා බංගලාදේශ පුහුණු තරගයේ ශ්රී ලංකා ඉනිම නිමා වී ඇත්තේ තිගැස්මට ලක්වන තොරතුරක් සමගිනි. පන්දු ඕවර 49.1 දි ඉනිම අත් හිටුවිමට ශ්රී ලංකා කණ්ඩායම තීරණය කර ඇත. ලකුණු සංඛ්යාව 263කි.
ආරම්භක පිතිකරු කුසල් ජනිත් පෙරේරාගේ උරහිසේ ආබාධය යළිත් මතු වී තිබේ. තරගය අතරමැද ඔහු පිතිකරණයෙන් ඉවත් වන්නේ පළමු පුහුණු තරගයේ දීම ආබාධයට ලක්වූ ක්රීඩකයෙක් ලෙසිනි.
ඒ අනුව ලෝක කුසලාන තරගාවලියේ ශ්රී ලංකා කණ්ඩායමේ ක්රීඩකයන් අබාධයට ලක් වීමේ ආරම්භය පළමු පුහුණු තරගයේ දීම ආරම්භ වී තිබේ.
පැතුම් නිශ්ශංක සහ කුසල් ජනිත් පෙරේරා තරගයට කදිම ආරම්භයක් ලබා දුන්නේය. එහෙත් යළිත් මතු වූ උරහිසේ ආබාධය නිසා කුසල් ජනිත් පන්දු 24ක් දී ලකුණු 34ක් ලබා සිටියදී පිටියෙන් ඉවත් විය.
පැතුම් නිශ්ශංක ලකුණු 68ක් ලැබුවේය. ඒ හතරේ පහර 08ක් සහ එක් හයේ පහරක් සමගින් පන්දු 64ක් තුළය.
ධනංජය ද සිල්වා ලකුණු 55කි. කුසල් මෙන්ඩිස් ලකුණු 22කි. චරිත් අසලංක ලකුණු 18කි. පසුපෙළ පිතිකරුවෙක් ලෙස පැමිණි දිමුත් කරුණාරත්න ලකුණු 18කට දුවද්දී දැවී ගියේය. දුනිත් වෙල්ලාගේත් දුවද්දී දැවී යෑමකි.
ශ්රී ලංකා කණ්ඩායමේ අනෙක් අවාසනාව දසුන් ශානක මේ තරගයේ දී ෆේල් වීමය. පන්දු 17කට මුහුණ දීමෙන් පසුත් ඔහු දැවී යන්නේ ලකුණු 03කට ය. දැන් ඔහු සමහරවිට පන්දු යවා තහවුරු වීමට උත්සාහ කරනු ඇත. එය බොහෝ විට තවත් අභාග්යයක් වීමට ඉඩ තිබේ.
මේ පුහුණු තරගය යළිත් අපේ සැබෑ තත්ත්වය රූපණය කරන්නක් බව තරගයේ මුල් භාගයෙන් පෙනී ගොස් තිබේ.
ජයග්රහණය සඳහා ලකුණු 264ක ඉල්කකයක් බංගලාදේශයට ලැබී ඇත.
පන්දු යැවීමේ දී මේදි හසන් ලකුණු 36ට කඩුළු 03ක්, ලබාගත්තේය.
