පල්ලෙකැලේ ජාත්යන්තර ක්රීඩාංගණයේ පැවැත්වෙන පළමු නිල නොවන ටෙස්ට් ක්රිකට් තරගයේ දෙවැනි දිනයේ දී සංචාරක දකුණු අප්රිකා ‘ඒ’ පිල ලකුණු 131කට දවා ගැනීමට ශ්රී ලංකා පන්දු යවන්නෝ සමත් වූහ
දඟපන්දු යවන්නන් වන ලක්ෂිත මානසිංහ සහ ලසිත් ඇඹුල්දෙණියත් වමතින් වේගපන්දු යවන ක්රීඩක ඩිල්ෂාන් මධුශංකත් එක්ව දකුණු අප්රිකානු ඒ කණ්ඩායම බිඳ හෙළනු ලැබුවේය.
විශිෂ්ට පන්දු යැවීමක යෙදුන ලක්ෂිත මානසිංහ ලකුණු 19කට කඩුලු 5ක් දවාගත්තේය. ලසිත් ඇඹුල්දෙණිය ලකුණු 67කට කඩුළු 02ක් ලැබීය. ඩිෂාන් මධුශංක ලකුණු 31කට කඩුළු 3ක් බිඳ හෙළුවේය.
තරගයේ මුල් කාර්තුවේ දී දකුණු අප්රිකා ‘ඒ’ පිල කඩුලු 05 ලකුණු 66කට දැවී ගොස් තිබිණි. එහෙත් නොදැවී ලකුණු 59ක් රැස්කළ මැතිව් බ්රීට්ස්කේ සහ ඩිවෝල්ඩ් බෘවිස් හයවැනි කඩුල්ලට ලකුණු 27ක කෙටි සබඳතාවක් ගොඩ නැගිනි. බෘවිස් ලකුනු 16ක් ලැබුවේය. සෙසු ක්රීඩකයින් කිසිඳු තරගයක් දීමට අපොහොසත් වූහ.
ඔවුන්ගේ සබඳතාවය බිඳ හෙලුවේ මනසිංහය. දකුණු අප්රිකා ‘ඒ’ පිලේ ඉතිරි කඩුලු 4 ලකුණු 38ක් තුළ බිඳ වැටිනි. දකුණු අප්රිකා ඒ පිලේ මුල් ඉනිම ලකුණු 131කට සීමා වී ඇත.
දකුණු අප්රිකානු ‘ඒ’ ඉනිම නිමා වූ පසුව ක්රීඩාව ඇනහිටියේය. වර්ෂාව සහ අයහපත් ආලෝකය හේතුවෙන් දිනය සඳහා ඕවර 48ක තරගයක් අහිමිව තිබියදී තරගය නතර කිරීමට විනිසුරුවන්ට සිදු විය. ප
ළමු ඉනිම සදහා ශ්රි ලංකා කණ්ඩායම ලකුණු 325ක් ලබා ගත්තේය. ආරම්භක පිතිකරු ලසිත් කෲස්පුල්ලේ ලකුණු 98ක් , රමේෂ් මෙන්ඩිස් ලකුණු 78ක්, ලහිරු උදාර ලකුණු 48ක් ලබා ගත්තේය.
පළමු ඉනිමේ දී දකුණු අප්රිකාව වෙනුවෙන් සෙනුරන් මුත්තුසාමි ලකුණු 122කට කඩුළු 07ක් බිඳ හෙළුවේය.
මේ වනවිට ශ්රී ලංකා ඒ කණ්ඩායම දකුණු අප්රිකානු කණ්ඩායමට වඩා ලකුණු 194ක් ඉදිරියෙනි.
