රජය ප්රකාශ කරන ආකාරයට ජනතාව ආර්ථික වශයෙන් දියුණු වී නොමැති බවත් අද වන විට සමෘද්ධිමත් වී ඇත්තේ ජනතාව විසින් ගෙදර යැවූ එජාප දේශපාලනඥයන් පමණක් බවත් ජාතක ජන බලවේගයේ නායක අනුර කුමාර දිසානායක පවසයි.
ජාතික ජන බලවේගය විසින් තංගල්ලේ දී සංවිධානය කළ විරෝධතා රැළියකට එක්වෙමින් ඔහු කියා සිටියේ රජය පුන පුනා කියන පරිදි ආර්ථිකය යථා තත්ත්වයට පත් නොවන බවය. ආනයන තහනම සහ විදේශ ණය පැහැර හැරීම හේතුවෙන් ඇමරිකානු ඩොලරයට සාපේක්ෂව රුපියලේ අගය ඉහළ යමින් පවතින බව ඔහු පෙන්වා දුන්නේය. .
“ආර්ථිකය දියුණු වන්නේ නම්, මිනිසුන්ට ඔවුන්ගේ ජීවන තත්ත්වයෙහි වෙනසක් දැනිය යුතුය. ඔවුන්ට ප්රමාණවත් ඖෂධ, ආහාර සහ අනෙකුත් අවශ්යතා තිබිය යුතුයි. මිනිස්සුන්ට රැකියා නැතිවෙලා, ඇඟලුම් ක්ෂේත්රය සියයට 20 කින් කඩාවැටිලා.” යැයි පැවසූ අනුර කුමාර දිසානායක, දැන් දියුණු වී ඇත්තේ මැතිවරණයෙන් පැරදුණු නවීන් දිසානායක, රෝසි සේනානායක, ආශු මාරසිංහ, සමන් රත්නප්රිය වැනි එක්සත් ජාතික පාක්ෂිකයන් පමණක් බවද පැවසීය. .
ආණ්ඩුව මැතිවරණ මඟහරිමින් සිටින බව කී ඔහු , ආණ්ඩුව මැතිවරණ පැවැත්වීමට සූදානම් නැති නිසාත් ඒ සම්බන්ධයෙන් අධිකරණ තීන්දුවක් නොමැති නිසාත් මැතිවරණය ලබා ගැනීමට ජාතික ජන බලවේගය පාරට බසින බවද කීවේය.
ජනාධිපති රනිල් වික්රමසිංහට රාජ්ය වත්කම් විකිණීම හැර ආර්ථිකය දියුණු කිරීමට කිසිදු සැලසුමක් නොමැති බවද ඔහු පැවසීය.
