ජානක ලියනආරච්චි –
තව පැය කීපයකින් තරගයේ සිවු වන දිනය ආරම්භ වන්නේය. තේරම් ගත යුත්තක් ඇත. ප්රමාණය ඔච්චරය.
“දක්ෂකම් තියනවා. කොහෙද ඉතින්… හරි මැනේජ්මන්ට් එකක් නෑ නේ… ” මෙච්චරකල් හිත හදාගන්න කී කතාවෙන් දැන්වත් අයින් වී ඇත්ත පිළිගත යුතුය. මී හරකෙක් තරම් පෙනුනත් පන්දු ඕවර 05ක් දාගන්නට බැරිව ලහිරු කුමාර ආබාධිතවය. මුන් නම් උන්ටම හරියන ටෙස්ට් ෆාස් බෝලර්ස්ලාය. ලහිරු කුමාර මුලු තරගය පුරාම දැම්මේ එක් පන්දු ඕවරයක් පමණි.
සක්රයා පරිපාලනයට ආවත් මුරලි කීවාක් සේ අන්තිමට වැඩේ කරන්නේ යාර හැත්තෑවේ සීමාවට යන 11 දෙනාය. උන්ට ක්රිකට් අමාරු නම් කළ යුතු වන්නේ විශේෂ කඳවුරක් පවත්වා උන්ව කැරම්, දාම් වැනි වෙන ක්රීඩාවකට හුරු කරන එකය. ඇන්ටිගුවා තණතිරුවේ අපේ උන් ඊයේ පන්දු යැවූ ආකාරය දකින් විට ඇත්තටම හිතුනේ මුන් වැඩිපුරම හොඳ අල්ලන සෙල්ලම්වලට බවය.
එහෙම අසරණවිල්ලක් ගැන මෑත ඉතිහාසයේ දී මතකයක් නැත. අතිවිශිෂ්ට පිතිහරඹයක නිරත වූ අමීර් ජැන්ගු පන්දු ජැන්ගු පන්දු 373 කට මුහුණ දී ලකුණු 233ක් ලැබුවේය. ඔහු මේ ක්රීඩා කරන්නේ දෙවැනි ටෙස්ට් තරගය ය. තුන්වන ටෙස්ට් ඉනිමය. ජැන්ගු කණ්ඩායමේ 11 ඇතුළට කැඳවන්නේ අහම්බෙනි. ඒ පුහුණු වීම් අතර බටහිර ඉන්දීය කොදෙව් ටෙස්ට් කණ්ඩායමේ නිත්ය ක්රීඩක ෂයි හෝප් ආබාධයකට ලක් වීම නිසාය. ජැන්ගුගේ පිතිකරණය හෝප් කණ්ඩායමෙන් එළියේ ස්ථානගත කළා වැනිය.
රොස්ටන් චේස් යනු මෑත කාලයේ ලකුණු අතරට පැමිණෙන්නට අරගල කරමින් සිටි ක්රීඩකයෙකි. චේස් ලකුණු 167ක් ලැබුවේය. ඒ ඔහු ටෙස්ට් තරගයක දී ලැබූ ඉහළම ලකුණු සංඛ්යාවය. කබ්බන් ෆෝම් කරන ඉතිහාසගත භූමිකාව යළිත් අපි විසින් සිදුකර ඇත්තෙමු.
ලෝක වාර්තාව
ජැන්ගු සහ හෝප් ඊයේ තැබුවේ ලෝක වාර්තාවකි. ඔවුන් දෙදෙනා අතර හයවන කඩුල්ල වෙනුවෙන් ගොඩනැගුණු සම්බන්ධතාවය ලකුණු 401 කි. මීට පෙර 06 වැනි කඩුල්ල වෙනුවෙන් වැඩිම ලකුණු සබඳතාවයේ වාර්තාව තබා තිබුණේ එංගලන්තය ය. 2016 වසරේදී කේප් ටවුන්හිදී දකුණු අප්රිකාවට එරෙහිව එංගලන්ත කණ්ඩායමේ බෙන් ස්ටෝක්ස් සහ ජොනි බෙයාර්ස්ටෝ එක්ව 6 වැනි කඩුල්ල වෙනුවෙන් ලකුණු 399ක සබඳතාවක් පවත්වමින් තැබූ වාර්තාව ඊයේ චේස් සහ ජැන්ගු බිඳ හෙලූහ.
වසර 149ක ටෙස්ට් ක්රිකට් ඉතිහාසය තුළ 6 වැනි කඩුල්ල වෙනුවෙන් ලකුණු 400 සීමාව පසුකළ පළමු සහ එකම පිතිකරණ යුගලය ජැන්ගු සහ චේස්ය.
මෙම පිතිකරණය කොදෙව් ක්රිකට් ඉතිහාසයේ සර් ගාෆීල්ඩ් සෝබර්ස් සහ කොන්රඩ් හන්ට් තැබූ වාර්තාවට පමණක් දෙවැනි වන පිතිකරුවන් දෙදෙනෙකු අතර ඕනෑම කඩුල්ලක් වෙනුවෙන් ගොඩනැගූ දෙවන ඉහළම සබඳතාවය ය.
අමතක නොවන පන්දු යැවීම
දාන දාන එකා ගුටි කන්නේය. එකම එක පන්දු ඕවරයක් පමණක් යවා ලහිරු කුමාරයා ආබාධයක් වී එළියේ ය. නිත්ය ටෙස්ට් දඟ පන්දු යවන ප්රභාත් ජයසූරියත් ක්රීඩා කරන 11 දෙනා අතර නැත. දඟ පන්දු යවන්නන් කියා විශ්වාසයෙන් එකෙකුට පන්දුව භාර දෙන්නට විදිහක් නැත. හිටියේ සොනාල් දිනූෂය. ඌ පන්දු ඕවර 56ක් යැව්වේය. යවන යවන පන්දු ඕවරයේ ගුටි කෑවේය. එකම එක නිලකුණු පන්දු ඕවරයක් පමණක් යැවූ දිනූෂගේ පන්දු ඕවරයකට ලබා ගත් ලකුණු සාමාන්යය 4.1කි. ඔහුට එරෙහිව පිතිකරුවෝ ලකුණු 234 ක් ලබා ගත්හ.
ශ්රී ලංකා කණ්ඩායම වෙනුවෙන් කැපී පෙනෙන පන්දු යැවීමක නිරත වූ එකම ක්රීඩකයා වූයේ මිලන් රත්නායකය. ඔහු ලකුණු 124 කට කඩුලු 5 ක් දවා ගනිමින් සිය කඩුලු 5 සීමාව සම්පූර්ණ කළේය. ජැන්ගු සහ චේස්ගේ දැවැන්ත සබඳතාව බිඳ දැම්මේත් මිලාන්ය.
දෙවැනි ඉනිම
අවසානයේ කඩුළු 09කට ලකුණු 626ක් ලබා සිටි කොදෙව්වෝ තරගය අත්හිටවූහ. ඉනිම අත්හිටුවන විට පළමු ඉනිම ක්රීඩා කරමින් සිටි කොදෙව් කණ්ඩායම ශ්රී ලංකාවට වඩා ලකුණු 318 ක් ඉදිරියෙන් සිටියහ. දිනය නිමා වීමට පෙර ශ්රී ලංකා කණ්ඩායමට පන්දු වාර 4 කට මුහුණ දීමට සිදුවිය. සැප කනේය. දෙවැනි පන්දු ඕවරයේ පළමු පන්දුවේ දී ආරම්භක පිතිකරු පැතුම් නිස්සංක දැවී ගියේය. ඒ ජයිඩන් සීල්ස්ගේ පන්දුවක් හමුවේය. ඒ තේරුමක් නැති දැවී යෑම සිද්ධ වන්නේ මුළු ලකුනු සංඛ්යාව 08ක්ව තිබිය දී ය. පැතුම් නිශ්ශංක දැවී යනවිට ලබා තිබුණේ ලකුණු 03ක් පමණි.
“නයිට් වොච්මන්” ලෙස පිටියට පැමිණෙන්නේ කසුන් රාජිත ය. ඔහුද උඩ පන්දුවක් ලබා දුන්නේය. එහෙත් මොකක්දෝ පිනකට එම උඩ පන්දුව අමීර් ජැන්ගු අතින් ගිලිහී ගියේය. දැන් කසුන් රාජිත ලකුනු 04ක් ගෙන නොදැවීය. නිශාන් මධුශ්ක ලකුණු 02ක් ලබා ගෙනය. මුලු ලකුණු සංඛ්යාව ලකුණු 15කි.
ඉනිමක පරාජයෙන් බේරෙන්නත් තව ලකුණු 303ක් ලබා ගත යුතුය. අනේ මන්දා කියනවා හැරෙන්නට වෙන අහවල් දෙයක් කියන්නටදැයි අපට වැටහෙන්නේ නැත. මේ ආකාරයේ බලු ගුටි කන්නේ ලෝක ටෙස්ට් ශ්රේණිගත කිරීම්වල නවතම දත්ත අනුව අපට වඩා අංක තුනක් පසුපසින් සිටින කණ්ඩායමකිනි. ලෝක ටෙස්ට් ශ්රේණිගතකිරීම්වල අප ඉන්නේ 06 වැනි තැනය. බටහිර ඉන්දීය කොදෙව්වන් 03ය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
මෙවැනි විපතක් හතුරෙකුටවත් සිද්ධ නොවේවා යන්න විලි ලජ්ජාව පසක තබා තවමත් ක්රිකට් බලන අපේ පැතුමය.
