ඩුබායිහි පැවැති අවුරුදු 19 න් පහළ ආසියානු කුසලාන ක්රිකට් තරගාවලිය සඳහා ශ්රී ලංකා කණ්ඩායමට තේරී සිටි කුරුණෑගල ශාන්ත ආනා විදුහලේ ගීතික ද සිල්වා පිට පිටම 19 න් පහළ සංචාර තුනකට සහභාගි වී එක තරගයක් හෝ ක්රීඩා කිරීමට අවස්ථාව නොලැබීම සම්බන්ධව පාසල් ක්රිකට් ක්ෂේත්රය තුළ විශේෂ කතා බහක් නිර්මාරණය කර තිබේ.
කලින් එංගලන්ත හා පාකිස්තානු සංචාර දෙකේදීම තරගයක් නොලැබ බංකුවට හිර කර තැබූ මේ යොවුන් ක්රීඩකයා මෙවර ආසියානු කුසලාන තරගාවලියේද සුපුරුදු ලෙස බංකුවටම සීමා කර තිබීමේ පදනම සම්බන්ධව මේ වනවිට ප්රශ්න කෙරමින් ඇත.
මොහුගේ දස්කම් නිසා මෙම සංචාර වලට තේරුණද එම සංචාරවලට ගිය පුහුණුකරුවන්, කළමනාකරුවන් හා සංචාර තේරීම් කමිටු නිලධාරීන්ගෙන් මොහුට සිදු වු අසාධාරණය ගැන ක්රීඩා ඇමතිවරයා දැනුම්වත් කිරීමට සූදානමක් ඇති බව ද වාර්තා වේ.
කණිෂ්ඨ තේරීම් කමිටුවේ සභාපති වරයා ලෙස කටයුතු කරන්නේ විනෝදන් ජෝන් වන අතර ඔහු මෙම තේරීම් අතර තුර එම රාජකාරි අතපසු කොට ශ්රී ලංකා “ඒ” කණ්ඩායමේ කළමනාකරු ලෙස පකිස්තානයට ගොස් ඇති බව ද දැනගන්නට ඇත.
ඊයේ පැවැති ආසියානු 19න් පහළ අවසන් පූර්ව තරගයේදී ශ්රී ලංකාව පරදා කඩුලු 7 ක පහසු ජයක් අත් කර ගන්නට ඉන්දියාව සමත් විය.
