පකිස්ථාන තරුණයෝ ඉන්දියානු අධිමානවාදී ක්රිකට් උඩඟුකම දෙකකුලින් ගෙන පොළොවේ ගැසූහ. ඒ අද (21) ඩුබායි හි ICC ඇකඩැමි ක්රීඩාංගනයේ පැවති 19න් පහළ ආසියානු කුසලාන අවසන් මහා තරගයේ දී ඉන්දියාවට අන්ත පරාජයක් අත් කර දෙමින් ලද ජයග්රහණයෙනි.
ලකුණු 347ක දැවැන්ත ඉලක්කයක් හඹා යන්නට ගිය ඉන්දියානු තරුණ ක්රීඩකයෝ පන්දු ඕව 26. 2ක් තුළ ලකුණු 156කට දැවී ගියහ. ඒ ලකුණු 191ක දැවැන්ත පරාජයක් හිමිකරගනිමිනි.
තරගයේ කාසියේ වාසිය දිනුවේ ඉන්දියානු කණ්ඩායමය. ඉන්දියානු නායක ආයුෂ් මහත්රේ පන්දු රැකීම තේරුවේය. ඉන්දීය අභිලාෂය සුන් කිරීමට පකිස්ථාන අංක 02ක පිතිකරු සමීර් මින්හාස් කටයුතු කළේය. ඔහු ලකුණු 172ක් ලැබුවේය. ඉන්දීය තරුණ පන්දු යවන්නෝ එළොව පොල් දුටුවහ. සමීර් ගේ ලකුණු 172 ලබන්නේ පන්දු 113කිනි. හතරේ පහර 17කි. හයේ පහර 09කි. අංක 03 පිතිකරු උස්මාන් ඛාන් ලකුණු 35ක්, අංක 04 ක්රීඩක අහමඩ් හුසේන් ලකුණු 56ක්, ලැබූවේය.
ඉන්දියාවට ලැබුනේ මොනම පිතිකරණ කණ්ඩායමකටත් ජයග්රහණය පහසු නොවන ඉලක්යකි. එනම් ලකුණු 347කි. පන්දු ඕවර 50 අවසානයේ දී ලකුණු 347ක් කඩුළු 08ක් දැවී පකිස්ථානු පිතිකරුවො ලබාගෙන තිබිණි.
පන්දු යැවීමේ දී ඉන්දීය පන්දු යවන්නන්වන දීපේෂ් දේවේන්ද්රන් ලකුණු 83ට කඩුළු 03ක්, හෙනිල් පටෙල් ලකුණු 62ට කඩුළු 2ක්, ඛිලාන් පටෙල් ලකුණු 42ට කඩුළු 92ක්, කනිෂ්ක් චෞහාන් කඩුල්ලක් ලැබුවේය.
පිළිතුරු ඉනිම ක්රීඩා කිරීමට පැමිණි ඉන්දීය තරුණයින්ට උතුරු දකුණු මාරුවන පන්දු යැවීමක පකිස්ථාන තරුණායෝ නිරත වුහ. ඉන්දීය තරුව වයිභාව් සූර්යවංශීය. ඉන්දීය කොල්ලා 19න් පහළ කණ්ඩායම නියෝජනය කරන්නේ ගැම්මෙනි. ඉන්දියාවේ නැගීගෙන එන කණ්ඩායම පමණක් නොව පසුගිය වසරේ සූර්යවංශී ලෝකයේ හොඳම විස්සයි 20 අන්තර්ජාතික අත්දැකීමක්වන අයිපීඑල් වරම් ලැබුවේය. ක්රීඩා කළේය. සූර්යවංශී ඉනිම ආරම්භ කරන්නේ කරටි කැඩෙන ප්රහාරයකිනි. හයේ පහර 3කි. හතරේ පහර එකකි. පන්දු 09ක දී ලකුණු 26කි. එහෙත් තමන් මුහුණ දුන් 10 වැනි පන්දුවෙන් සූර්යවංශී දැවී ගියේය. ඒ කඩුළු රකින ක්රීඩක හම්සා සහූර් වෙත උඩ පන්දුවක් ලබා දෙමිනි. පන්දු යැව්වේ අලි රාසාය.
කණ්ඩායමේ වැඩිම ලකුණු ලැබුවේ අංක 10 පිතිකරු දීපේෂ් දේවේන්ද්රන්ය. පහු පන්දු 16ක දී හතරේ පහර 06ක් සහ හයේ පහර 02ක් සමග ලකුණු 36ක් ලැබුවේය. ඔහු නොවන්නට ඉන්දීය පරාජය සටහන් වන්නේ ලකුණු 200කට වඩා වැඩියෙනි. අවසන් කඩුල්ල වෙනුවෙන් ලකුණු 36ක සම්බන්ධතාවයක් ගොඩනැගිනි. ඉනිමේ වැඩිම ලකුණු සහිත සම්බන්ධතාවයත් එයය.
සූර්යවංශීගේ නික්ම යෑමත් සමගම ඉන්දී තරුණ කණ්ඩායම දුක හිතෙන ලෙස බිඳවැටුනේය. අනතුරුව කණ්ඩායමේ වැඩිම ලකුණු ගණන ලකුණු 19ක් විය. ඒ කණ්ඩායමේ අංක 08 ක්රීඩක ඛලින් පටෙල්ය. නායක ආයුෂ් මහත්රී ලකුණු 02කි. ආරොන් ජොර්ජ් ලකුණු 16කි. විහාන් මල්හෝත්රා ලකුණු 07කි. වේඩන්ට් ට්රෙවිඩ් ලකුණු 09කි. කඩුළු රකින ක්රීඩක අභිග්යාන් කණ්ඩු ලකුණු 13කි. කණිෂ් චෞහාන් ලකුණු 07කි. හෙනිල් පටෙල් ලකුණු 07කි.
පන්දු යැවීමේ දී අති විශිෂ්ඨ පන්දු යැවීමක නිරතවන්නේ අලි රාසාය. ඔහු ලකුණු 42ට කඩුළු 04කි. අබ්දුල් සුභාන් ලකුණු 14කට කඩුළු 02ක්, මොහොමඩ් සියාම් ලකුණු 38කට කඩුළු 02ක්, හුසාෆියා අසාන් ලකුණු 12කට කඩුලු 02ක් ලැබුවේය.
පකිස්ථාන තරුණයින් ඉන්දියාවට කුඩු වෙන්නට ගසා ආසියානු කුසලානය පකිස්ථානයට ගෙන යන්නේ ආසියානු ක්රිකට් අනාගතය සම්බන්ධව සිතියම වෙනස් කරමිනි. එය ක්රිකට් ආනන්දයක් බව ලියා තැබිය යුතුව ඇත.
