ලෝක කුසලාන තරගාවලියේ මෙතෙක් පැවති තියුණුම සහ ආශ්වාදනීයම තරගය ඊයේ (28) පැවැත්වුනේය. තරගාවලියේ 26 වැනි තරගය ලෙස චෙන්නායි හි පැවති පකිස්ථාන දකුනු අප්රිකා තරගයෙන් කඩුළු 01ක තියුණු ජයක් වාර්තා කරන්නට දකුණු අප්රිකානු කණ්ඩායම සමත් වූයේය.
අවාසන මොහොත වනතුරු තරගය කොයි අතට දෝලනය වනු ඇතිදැයි කිසිවෙකුට නිශ්චය කළ නොහැකි වූයේය.
කාසියේ වාසිය දිනුවේ පකිස්ථානය ය. බාබර් අසාම් පිතිකරණය තේරුවේය. බාබර් අසාම් නායකත්වයේ ඉනිමක් ක්රීඩා කළේය. ඔහු පන්දු 60ක් තුළ ලකුනු 50ක් රැස් කළේය. ඒ මිනිත්තු සියයක් කඩුල්ලේ රැඳෙමිනි. ආරම්භක පිතිකරුවන් දෙපළම ලකුණු 38ක් තුළ දැවී යද්දී නැවත ඉනිම ගොඩනැගීමට එම සංයමය අවශ්යයය.
දකුණු අප්රිකානු පන්දු යැවීම ඉතාම තියුණු විය. මොහොමඩ් රිස්වාන් ලකුණු 31කි. මැද පෙළ වගකීම් දරමින් ශව්ද් ශකීල් පන්දු 52ක දී හතරේ පහර 07ක් සමගින් ලකුණු 52ක් හා ෂහාබ් ඛාන් පන්දු 36ක දී හතරේ පහර 03ක් සහ හයේ පහර 02ක් සමගින් ලකුනු 43ක් ලැබුහ. මෙහොමඩ් නවාස් ලකුනු 24ක් පන්දු 24ක් තුළ ලැබුවේ හයේ පහර දෙකක් සහ හතරේ පහරක් සමගිනි.
පන්දු ඕවර 46.4 ක දී පකිස්ථානු ඉනිම ලකුණු 270කට බිඳ වැටුනේය. ඉනිමේ හොඳම සම්බන්ධතාව ගොඩනැගෙන්නේ හයවැනි කඩුල්ල වෙනුවේන සවුද් ශකීල් සහ ෂහාබ් ඛාන් අතරය. එය ලකුණු 84කි.
දකුනු අප්රිකානු කණ්ඩායම වෙනුවෙන් හොඳම පන්දු යැවීම සිදුවන්නේ ටබ්රයිස් ෂම්සි අතිනි. ෂම්සි ලකුණු 60කට කඩුළු 04ක් ලැබුවේය.
මාර්කෝ ජෙන්සන් ලකුණු 43ට කඩුලු 02ක්, ග්රේඩ් කොඑට්සි ලකුණු 42ට කඩුළු 02ක්, ලුන්ගි න්ගිිඩි එක් කඩුල්ලක් ලැබුවේය.
දකුණු අප්රිකාවට ජයග්රහී ඉලක්කය වී තිබුණේ ලකුණු 271කි. එය මේ තණතිරු තුළ ජයග්රහණය ආරක්ෂා කරගැනීම සඳහා හොඳ ආරක්ෂිත ස්ථානයක් නොවේ.
මුල් පෙළ පිතිකරුවන් දකුණු අප්රිකාව වෙනුවෙන් යම් සුව පහසු ස්ථාවරයක් ගොඩනැගුවේය. ආරම්භක පිතිකරු නායක ටෙම්බා බවුමා ලකුනු 28ක්, කඩුළු රකින ක්රීඩක ක්වෙන්ටන් ඩි කොක් ලකුණු 24ක් ලැබුවේය. ඊට හතරේ පහර 05කි. රසල් වැන් ඩර් හුසේන් ලකුණු 21කි. ඉනිමේ විශිෂ්ටම පිතිකරුවා ඒයඩ්න මැක්රම්ය. ඔහු පන්දු 93ක දි ලකුණු 91කි.
33 වැනි ඕවරය වනවිට දකුණු අප්රිකාව පහසු ජයක් ලකුණු කරගන්නා ආකාරය ප්රේක්ෂකයන්ට පෙනුණි. ලකුණු 200 ඉක්මවා යනවිට දකුණු අප්රිකානු කණ්ඩායමේ දැවී ගොස් තිබුනේ කඩළු 04කි.
එහෙත් ඉතිරි ලකුණු 71 තරගය මුළුමනින්ම කණපිට හැරෙව්වේය. ලකුණු 29කට ඩේවිඩ් මිලර් දැවී ගියේය. ඒ වනවිට මුළු ලකුණු සංඛයාව 206කි. ලකුණු 235ක් වනවිට දකුනු අප්රිකානු කඩුළු 06ක් බිඳ වැටුනේය.
බාබර් අසාම් දකුනු අප්රිකානුවන්ට දැඩිම පීඩනය එල්ල කරන්නේ ඉන් අනතුරුවය. ඔහු සහීන් ෂා ඇෆ්රිඩි සහ රවුෆ් හකීම් මෙන්ම මොහොමඩ් ආක්රමණය සදහා යොදා ගන්නේය. ඒ අතර ඕවර දෙක්ක යැවීමට දඟපන්දු යවන ක්රීඩක උසාම් මීර් ගෙන්වන්නේ. ලකුණු 91ක ලබා ගත් ඒඩන් මැක්රම් ගොදුරු වන්නේ උසාම්ටය.
එතැන් සිට බාබර් සිය ප්රමුඛ වේගපන්දු යවන්නන් තිදෙනා හරහා කණ්ඩායම දවා ගන්නට උත්සාහ කලේය. එය බෙහෙවින්ම සාර්ථක වන්නේය. ලුන්ගි ඉන්ගිඩි නව වැනි කඩුල්ල වෙනුවට දැවී යන විට දකුණු අප්රිකානු කණ්ඩායමේ ලකුණු ගණන 260කි.
තරගය වූයේ ඉතිරි ලකුණු 11 ලබැ ගැනීමය.
දැඩි පිඩනයක් මැද අවසානයේ දි කේසීව් මහරාජ් සහ සම්සි අවසන් කඩුල්ල රැකගෙන තරගය නිමා කරන්නේය.
තරගයේ වීරයා ලකුණු 60 පකිස්ථාන කඩුළු 04ක් දවාගෙන පකිස්ථානු කණ්ඩායම ලකුණු 270කට සීමා කිරීමේ ප්රධානම කොටස කල ටබ්රයිස් ෂම්සිය.
මේ වනවිට ලකුණු සටහනේ පළමු වරට ඉන්දියාව අභිබවා දකුණු අප්රිකාව පළමු ස්ථානයට පැමිණ තිබේ. ශ්රී ලංකා කණ්ඩායම පස්වන ස්ථානයේය. පකිස්ථානය පසුවන්නේ 06 වැනි තැනය.
