ශ්රී ලංකා ඉනිම ලකුණු 154කට සීමා කරන්නට ඔස්ට්රේලියානු පන්දු යවන්නෝ සමත් වූහ. ඒ කඩුලු 06ක් දැවී යමිනි.
තරය ආරම්භයේ දී අප දුටුවේ සටනක් ලබා දිය හැකි ඉලක්කයක් කරා ශ්රී ලංකා කන්ඩායම ගමන් ගනු ඇතැයි යන බලාපොරොත්තුවය.
එහෙත් මැදපෙළ ඒ බලාපොරොත්තුව සුන් කළේය.
ඉනිම ආරම්භ කළේ පැතුම් නිශ්ශංක සහ කුසල් ජනිත් පෙරේරාය. පැතුම් නිශ්ශංක ලකුණු 07කට දැවී ගියේය. පන්දු නවයකට මුහණ දුන් පැතුම් නිශ්ශංක දැවී යනවිට ලකුණු පුවරුව ලකුණු 15කි.
අනතුරුව පිටියට පැමිණියේ චරිත් අසලංකය. චරිත් අසලංක වේගවත් මනරම් පිතිකරණයක් දියත් කළේය. ඔහු ලකුණු 35ක් ලබා ගත්තේ පන්දු 25ක දීය.
ඔහුට අනගි සහයක් ලබා දුන් කුසල් ජනිත් පෙරේරා මුල්වරට තරගාවලියේ ලකුණු අතරට ආවේය. මේ දෙදනා අතර දෙවන කඩුල්ල සඳහා ඇතිව සම්බන්ධය ලකුණු 53කි. චරිත් අසලංක ඇඩම් සම්පාගේ පන්දුවකට ස්ටීවන් ස්මිත් අතට උඩපන්දුවක් දී දැවී ගියේය. එතැන් සිට කඩුලු වැටීම ආරම්භ විය. කුසල් ජනිත් පෙරේරා පන්දු 27ක දී ලකුණු 35ක් ලබාගෙන දැවී යනවිට ලකුනු පුවරුව ලකුණු 83කි. අනතුරුව අවිශ්ක ප්රනාන්දු ලකුණු 04කට දැවි ගියේය. වන්ඳු හසරංග ලකුණ 04කට දැවී ගියේය. ලකුණු 77කට එක් කඩුල්ලක් බිඳවැටී තිබුණු ශ්රී ලංකා කණ්ඩායම ලකුණු 95 වනවට කඩුලු 05කි.
දැවැන්ත ඉලක්කයකට යන ශ්රී ලංකා බලාපොරොත්තුව බිඳ වැටුණේය. අනතුරුව පිටියට පැමිණි දසුන් ශානක සහ පන්දුවට පහර දෙමින් සිටි භාණුක රාජපක්ෂ අතර ලකුණු 39ක සම්බන්ධයක් ගොඩනැගුණි. දසුන් ශානක ලකුණු 12කට දැවී ගියේය. භානුක රාජපක්ෂ වේගවත් පිතකරණය නිරත වෙමින් පන්දු 26ක දී නොදැවී ලකුණු 33ක් රැස් කළේය.
පන්දු යැවීමේ දී මිෂෙල් ස්ටාක්, ලකුණු 27ට කඩුළු 2ක්, පැට් කුම්මින්ස් ලකුණු 34ට කඩුළු 02ක්, ලබා ගත්තේය. මනරම් පන්දු යැවීමක නිරත වූයේ ඇඩම් සම්පාය. ශ්රී ලංකා කණ්ඩායමේ විශාල ඉලක්කය වැළැක්වූ ප්රධාන බාධාව නිර්මාණය කළේ ඔහුය. ඔහු පන්දු ඕවර 04 තුළ ලබා දුන්නේ ලකුණු 12කි. කඩුලු 02ක් ලබා ගත්තේය.
ශ්රී ලංකා කණ්ඩායම කඩුලු 06ක් දැවී ලකුණු 154කට සීමා විය.
