ශ්රී ලංකා කණ්ඩායම ලකුණු 337කට සීමා වී තිබේ. දිනේෂ් චන්දිමාල් නොදැවී ලකුණු 94කි. ශතකය පෙනි පෙනී ඔහුට නවතින්නට සිදුවුනේය. අවසන් කඩුල්ල ලෙස එක් අන්තයක සිටි ප්රභාත් ජයසූරිය නසීම් ෂාට ගොදුරු වුනේය.
ගාල්ලේ පැවැත්වෙන ශ්රී ලංක පාකිස්ථාන් තරගයේ සිවුවන දිනය ආරම්භ වූයේ ශ්රී ලංකා කණ්ඩායම කඩුලු 09ක් දැවී ලකුණු 229ක් ලබාගෙන සිටිය දීය. පළමු ඉනිමේ ලකුණු ශ්රි ලංකා කණ්ඩායම ලකුණු 333ක් ඉදිරියෙන් සිට අද දිනය ආරම්භ කළේය.
දිනේෂ් චන්දිමාල් මේ තරගයේ දී ස්වකීය ස්ථාවර පිතිකරණය ගැන තහවුරු කිරීමක් කළේය. තරගය ආරම්භ කරන විට ඔහු නොදැවී ලකුණු 86ක් ලබාගෙන සිටියේය. ඊට හතෙර් පහර පහක් සහ හයේ පහර දෙකක් ඇතුළත් වී තිබේ. අනෙක් අන්තයේ සිටියේ ප්රභාත් ජයසූරිය ය. ඔහු නොදැවී ලකුණු 4ක් ලබාගෙන සිටියේය.
මුළු ලකුණු සංඛ්යාවට තවත් ලකුණු 08ක් චන්දිමාල් එක් කරගත්තේය. ඔහු ලකුණු 94ක් ලෙසත් මුළු ලකුණු සංඛ්යාව 337ක් ලෙසත් සටහන් විය. එහෙත් ශතකය ස්ඵර්ෂ කරමින් සිටි චන්දිමාල්ට සිය සටන නිමා කරන්නට සිදුවූයේ නසීර් ෂා විසින් ප්රභාත් ජයසූරිය ගොදුරු කරගැනීම
ශ්රී ලංකා කණ්ඩායම වෙනුවෙන් ඕෂධ ප්රනාන්දු ලකුණු 64ක, කුසල් මෙන්ඩිස් ලකුනු 76ක් ලැබීය.
පාකිස්ථානය වෙනුවෙන් විශිෂ්ට පන්දු යැවීමක යෙදුනු මොහොමඩ් නවාස් ලකුණු 88කට කඩුළු 05ක් ලැබිය. යෂීර් ෂා ලකුණු 102ට කඩුළු 3ක් දවාගෙන ඇත. හසන් අලි එක කඩුල්ලක් සහ නසීර් ෂා එක කඩුල්ලක් ලබා ගත්තේය.
පාකිස්ථානු කණ්ඩායමේ ජයග්රාහී ඉලක්කය ලකුණු 342කි. ගාලු ක්රීඩාංගනයේ සිවුවන ඉනිම ක්රීඩා කරන කණ්ඩායමකට ලැබෙමින් ඇත්තේ තියුණු ඉලක්කයකි.
මේ වනවිට පකිස්ථානු ඉනිම ඇරඹී තිබේ.
