ලලිත් චාමින්ද –
රජය විසින් ගෙවීමට ඇති සමස්ත රාජ්ය ණය ප්රමාණය 2025 වර්ෂය අවසන් වනවිට රුපියල් බිලියන 29,994.69ක් දක්වා ඉහළ ගොස් ඇති බව ශ්රී ලංකා මහ බැංකුව විසින් නිකුත් කර ඇති නවතම වාර්තාවක සඳහන් වේ.
එම වාර්තාවට අනුව 2025 වර්ෂය අවසානයේදී ගෙවීමට ඇති සමස්ත දේශීය ණය ප්රමාණය රුපියල් බිලියන 18,675.32ක් වන අතර, ගෙවීමට ඇති සමස්ත විදේශීය ණය ප්රමාණය රුපියල් බිලියන 11,319.36ක් ලෙස සටහන්ව ඇත.
කෙසේ වුවද, දළ දේශීය නිෂ්පාදිතයේ ප්රතිශතයක් ලෙස සලකා බැලීමේදී රටේ විදේශීය ණය ප්රමාණයේ සුභවාදී ප්රවණතාවක් පෙන්නුම් කරයි. ඒ අනුව 2024 වර්ෂය අවසන් වනවිට දළ දේශීය නිෂ්පාදිතයේ ප්රතිශතයක් ලෙස සියයට 55.4ක් වූ විදේශීය ණය ප්රමාණය, 2025 වසර අවසන් වනවිට සියයට 50.4 දක්වා පහළ ගොස් තිබේ.
එමෙන්ම රජය විසින් 2025 වර්ෂය තුළ පමණක් ඇමරිකානු ඩොලර් බිලියන 5.1ක විදේශීය ණය ප්රමාණයක් ගෙවා නිම කිරීමට පියවර ගෙන ඇත. මහ බැංකු වාර්තාව වැඩිදුරටත් පෙන්වා දෙන්නේ එය 2024 වර්ෂයට සාපේක්ෂව රජයේ විදේශීය ණය ගෙවීම්වල සැලකිය යුතු ඉහළ යෑමක් බවයි.
(වාර්තාව: ලලිත් චාමින්ද)
