ශ්රී ලංකා පරිපාලන සේවයේ (SLAS) පවතින පුරප්පාඩු පියවීම සඳහා අලුතින් නිලධාරීන් 150 දෙනෙකු බඳවා ගැනීමට පියවර ගෙන ඇති බව රාජ්ය පරිපාලන අමාත්යාංශය පවසයි.
රාජ්ය පරිපාලන අමාත්ය චන්දන අබේරත්න ප්රකාශ කළේ මෙම බඳවා ගැනීම් සඳහා වන තරඟ විභාගය ඉතා කඩිනමින් පැවැත්වීමට කටයුතු සූදානම් කර ඇති බවයි. සම්මුඛ පරීක්ෂණ හෝ වෙනත් බාහිර සාධක මත නොව, සම්පූර්ණයෙන්ම මෙම විභාගයේ ප්රතිඵල සහ දක්ෂතාව පදනම් කරගෙන පමණක්ම සුදුස්සන් තෝරා ගන්නා බව ද අමාත්යවරයා අවධාරණය කළේය.
මෙලෙස විභාගයෙන් සමත්ව බඳවා ගැනෙන නවක නිලධාරීන් මෙරට රාජ්ය ආයතනවල සහ රාජ්ය දෙපාර්තමේන්තුවල සහකාර ලේකම් (Assistant Secretary) තනතුරු සඳහා පත් කිරීමට නියමිතය.
වත්මන් ශ්රී ලංකා පරිපාලන සේවය තුළ විශාල නිලධාරීන් හිඟයක් සහ පුරප්පාඩු රැසක් පවතින බව පෙන්වා දුන් අමාත්ය චන්දන අබේරත්න, මෙම කඩිනම් බඳවා ගැනීම් හරහා සමස්ත රාජ්ය යාන්ත්රණයේ කාර්යක්ෂමතාව ඉහළ නැංවීමට බලාපොරොත්තු වන බව ද වැඩිදුරටත් සඳහන් කළේය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
