බස් ගාස්තු සංශෝධනය කිරීම පිණිස ප්රවාහන, මහා මාර්ග සහ නාගරික සංවර්ධන අමාත්යවරයා ඉදිරිපත් කළ යෝජනාවට අමාත්ය මණ්ඩල අනුමැතිය හිමිව තිබේ.
දැනට ක්රියාත්මක බස් ගාස්තු ප්රතිපත්තියට අනුව, ජාතික ගමනාගමන කොමිෂන් සභාව විසින් සෑම වර්ෂයකම ජූලි මස 01 වන දින බස් ගාස්තු සංශෝධනය ප්රකාශයට පත් කළ යුතු වේ. ඒ අනුව මෙම බස් ගාස්තු සංශෝධනයේ දී 2026 වර්ෂයේ පෙබරවාරි මස සිට මැද පෙරදිග කලාපයේ පවතින යුදමය තත්ත්වය හේතුවෙන් ඉන්ධන මිලෙහි නිරන්තරයෙන් සිදුවන උච්ඡාවචනයන් ප්රධාන වශයෙන් සැලකිල්ලට ගෙන තිබේ.
මීට අමතරව, ඉන්ධන මිල වෙනස්වීම් හා බැඳුණු අනෙකුත් ධාවන වියදම්, දැනට භාවිත කරන බස් රථ මාදිලි, ඇමෙරිකානු ඩොලරයේ සිදුවන උච්ඡාවචනයන් හේතුවෙන් බස් රථ අමතර කොටස්වල මිල කෙරෙහි සිදුව ඇති බලපෑම, අධිවේගී මාර්ගවල ධාවනය වන බස්රථ සහ මෑතකදී හඳුන්වා දෙන ලද පත්ල පහත් ලංකා මෙට්රෝ ට්රාන්සිට් ප්රයිවට් ලිමිටඩ් යටතේ ධාවනය වන බස් රථ යන කරුණු කෙරෙහි ද අවධානය යොමු කර ඇත.
මේ සියලු කරුණු අධ්යයනය කර දැනට පවත්නා බස් ගාස්තු සූත්රය (පිරිවැය දර්ශකය) සහ ගාස්තු ව්යුහය යාවත්කාලීන කිරීම හා සංශෝධනය කිරීම සඳහා වන නිර්දේශ ඉදිරිපත් කිරීමට ජාතික ගමනාගමන කොමිෂන් සභාව විසින් කමිටුවක් පත් කරනු ලැබ තිබුණි.
එම කමිටුව විසින් ඉදිරිපත් කරන ලද නිර්දේශ මෙන්ම 2026 ජූනි 30 වන දින සිට ක්රියාත්මක වන පරිදි සිදු කරන ලද ඉන්ධන මිල සංශෝධනය ද සැලකිල්ලට ගනිමින්, බස් ගාස්තු සංශෝධනය සඳහා ප්රවාහන අමාත්යවරයා ඉදිරිපත් කළ මෙම යෝජනාවට මෙලෙස කැබිනට් මණ්ඩලයේ අනුමැතිය හිමිව ඇත.
