දෙවැනි සමාලෝචනයට ජාත්යාන්තර මූල්ය අරමුදල විධායක කමිටු අනුමැතිය ලබා ගැනිම සඳහා ශ්රී ලංකාව තවත් කරුණු දෙකක් සම්පූර්ණ කළයුතුව ඇතැයි එම අරමුදලේ සන්නිවේදන අංශ අධ්යක්ෂිකා ජුලී කොසැක් පවසයි.
විධායක කමිටු අනුමැතිය ලබා ගැනීමට පළමුව ශ්රි ලංකා රජය පෙර එකඟවූ නිර්දේශ ක්රියාත්මක කළ යුතු බවත්. දෙවනුව මූල්ය සහතික සමාලෝචනය අවසන් කළ යුතු බවත් ඇය පෙන්වා දුන්නාය.
එමගින් බහු පාර්ශවීය හවුල්කරුවන් ලබන මූල්ය දායකත්වය තහවුරුවනු ඇතැයි ඇය ප්රකාශ කළාය.
එමෙන්ම ශ්රි ලංකාව ණය ප්රතිව්යුහගත කිරීමේ දි ප්රමාණවත් ප්රගතියක් ලබා තිබේදැයි මූල්ය සමාලෝචනය මගින් ඇස්තමේන්තු කරනු ඇතැයි ද ඇය පැවසුවාය.
කෙසේ වෙතත් ශ්රි ලංකාව ක්රියාත්මක කළ සාර්ව ආර්ථික ප්රතිපත්ත ඵල දරමින් තිබෙන බවත් උද්ධමනය පහළ දැමීම සඳහා ගෙන ඇති ක්රියාමාර්ග සතුටුදායක බවත් පෙන්වා දුන් ඇය ශ්රීලංකා ආර්ථික වර්ධනය වීමේ සහ මූල්ය පද්ධතිය ස්ථාවර වීමේ මුල් සලකුණු පෙන්නුම් කරන බව කීවාය.
සම බරව ඇත්ත කියන ලංකාසර පුවත් ඔබට සෑම විටෙක දැකීමට ඕනෑ නම් පහත අපේ වට්ස්ඇප් / ටෙලිග්රෑම් සමූහයන්ට එක්වෙන්න.
