දිනසේන රතුගමගේ –
යාපනය, කයිට්ස් ඇතුළු ප්රදේශ කිහිපයක පවතින දැඩි උණුසුම් කාලගුණය හේතුවෙන් ගවයින් ක්ලාන්ත වී ඇද වැටී මිය යෑමේ ප්රවණතාවක් මතුව තිබේ. මේ වන විට අධික රශ්මිය දරාගත නොහැකිව කයිට්ස් කලාපයේ පමණක් ගවයින් 13 දෙනෙකු මියගොස් ඇති බව පශු වෛද්ය නිලධාරීහු පවසති.
පවතින තත්ත්වය හමුවේ දිනකට ගවයින් 40කට ආසන්න සංඛ්යාවකට ප්රතිකාර කිරීමට සිදුව ඇතත්, කයිට්ස් කලාපය භාරව සිටින්නේ පශු වෛද්ය නිලධාරීන් තිදෙනෙකු පමණි. මේ හේතුවෙන් රෝගී සතුන්ට කඩිනම් ප්රතිකාර ලබා දීමේ දැඩි ප්රායෝගික දුෂ්කරතාවයකට ඔවුන් මුහුණ දී සිටී.
ෙඅධික උණුසුම නිසා ගවයින්ගේ කිරි නිෂ්පාදනය 65%ක් වැනි ඉහළ ප්රතිශතයකින් පහත වැටී ඇති අතර, ගව දෙනුන් අකාලයේ පැටවුන් බිහි කිරීමේ (නියමිත කාලයට පෙර ප්රසූත කිරීමේ) අවදානමක් ද මතුව තිබේ.ෙ
මේ පිළිබඳව අදහස් දැක්වූ පශු වෛද්ය නිලධාරීන් ගව හිමියන්ට උපදෙස් දෙන්නේ, සතුන්ට උපරිම ලෙස ජලය පානය කිරීමට සැලැස්වීම සහ සෙවණ සහිත විශාල ගස් යට සතුන් රඳවා තැබීමට පියවර ගන්නා ලෙසය.
