මුදල්, ක්රම සම්පාදන සහ ආර්ථික සංවර්ධන අමාත්යංශයේ විදේශ සම්පත් දෙපාර්තමේන්තුවේ පරිගණක පද්ධතිය හරහා ඇතුළු වී සයිබර් හැකර්කරුවන් විසින් සිදු කල සොරකමක් සම්බන්ධයෙන් දැනටමත් විමර්ශන කටයුතු සිදුවන බවත්, එම කටයුතු වලට බාධාවක් නොවන සේ, මේ පිළිබඳව යාවත්කාලීන තොරතුරු, සුදුසු ඉදිරි අවස්ථාවක දී ලබා දීමට කටයුතු කරන බවත් මුදල්, ක්රම සම්පාදන සහ ආර්ථික සංවර්ධන අමාත්යංශය විසින් නිවේදනයක් නිකුත් කරමින් දන්වා සිටී.
2026 ජනවාරි මාසය තුළදී, විදේශ මුදල් ප්රමාණයක් ගෙවීම පිළිබඳ හඳුනාගත් තොරතුරු අනුව, මුදල්, ක්රම සම්පාදන සහ ආර්ථික සංවර්ධන අමාත්යංශය විසින් ශ්රී ලංකා පරිගණක හදිසි ප්රතිචාර සංසදයට (SL-CERT) හා ශ්රී ලංකා පොලිසියේ පරිගණක අපරාධ විමර්ශන අංශය (Computer Crime Investigation Division) වෙන දැනුවත් කිරීම කරනු ලැබ තිබුණු බව පවසන මුදල් අමාත්යාංශය ඒ ඔස්සේ කරන ලද පරීක්ෂණ වලට අනුව අපරාධ පරීක්ෂණ දෙපාර්තමේන්තුව (CID) වෙත දැනටමත් පැමිණිලි කර ඇති බව දන්වා සිටී.
එලෙසම, මහ බැංකුවේ මුල්ය බුද්ධි ඒකකය (FIU) වෙත ද මේ පිළිබඳව පැමිණිලි කිරීමෙන් පසු මේ සම්බන්ධයෙන් අභ්යන්තර මූලික පරීක්ෂණයක් ද සිදුකර, අවශ්ය ක්රියායාමාර්ග ගෙන ඇති බවත් නිලධාරීන් කිහිපදෙනෙකු සම්බන්ධයෙන් ද විනය ක්රියාමාර්ග ගෙන ඇති බවත් එම නිවේදනයේ සඳහන්ය.
ශ්රී ලංකාව සහ විදේශීය රාජ්යයන් අතර පවතින ගිවිසුම් වලට අනුගතව, අදාළ සම්බන්ධීකරණයන් සහ එකඟතාවයන් සහිතව, මේ සම්බන්ධයෙන් අවශ්ය ඉදිරි කටයුතු සිදු කෙරෙනු ඇති බවද එහි දැක්වේ.
එම නිවේදනය පහත දැක්වේ.
මේ ලිපියත් කියවන්න…
මහා භාණ්ඩාගාරයේ ඩොලර් මිලියන 2.5ක් හැකර්ලා අතට? – විධිමත් විමර්ශනයක් ඉල්ලා කථානායකට ලිපියක්!
