හිටපු අධිකරණ අමාත්ය විජයදාස රාජපක්ෂ සහ රඛිත රාජපක්ෂ යන අයට අදාළව 2025 වසරේදී ප්රවීණ මාධ්යවේදී චමුදිත සමරවික්රම විසින් ‘Truth with Chamuditha’ යූටියුබ් නාලිකාව ඔස්සේ මෙහෙයවනු ලැබූ විශේෂ සාකච්ඡාවකට පනවා ඇති වාරණ නියෝගය අභියෝගයට ලක් කරමින් යළි අධිකරණය හමුවට යාමට චමුදිත සමරවික්රම සූදානම් වෙයි.
එම විශේෂ වැඩසටහන විකාශය වූ අවස්ථාවේදී විජයදාස රාජපක්ෂ පාර්ශ්වය අධිකරණය හමුවට ගොස් ඊට එරෙහිව වාරණ නියෝගයක් ලබා ගැනීමට පියවර ගෙන තිබිණි.
කෙසේ වෙතත් වත්මන් දේශපාලන සහ සමාජයීය තත්ත්වයන් සැලකිල්ලට ගනිමින්, පනවා ඇති මෙම වාරණ නියෝගය ඉවත් කරන ලෙස ඉල්ලා චමුදිත සමරවික්රම ඉදිරියේදී නීතිමය පියවර ගැනීමට නියමිත බව වාර්තා වේ.
