ඒ-9 ප්රධාන මාර්ගයේ මාන්කුලම්, පනිච්චන්කුලම් ප්රදේශයේදී අද (15) අලුයම වෑන් රථයක් සහ ලොරි රථ දෙකක් ගැටීමෙන් සිදුවූ අනතුරකින් පුද්ගලයින් තිදෙනෙකු මියගොස් තවත් අට දෙනෙකු තුවාල ලබා තිබේ.
පොලීසිය පැවසුවේ, කොළඹ සිට යාපනය දෙසට ධාවනය වූ වෑන් රථයක් නවතා තිබූ ලොරි රථයක පිටුපස ගැටීමෙන් සහ එසේ ගැටනු ලොරි රථය ඉදිරියෙන් පැමිණි තවත් ලොරි රථයක ගැටීමෙන් මෙම අනතුර සිදුව ඇති බව ය.
නවතා තිබූ ලොරි රථයේ රියදුරු වෑන් රථය ලොරියේ වැදී අනතුරට පත්වන විට රථයෙන් බැස සිට ඇත.
වෑන් රථය ලොරියේ ගැටී අනතුර සිදුවත්ම ඉදිරියෙන් පැමිණි ලොරිය නවතා ඇති ලොරියේ ගැටී තිබේ.
එම ලොරි රථ දෙකට සිරවී රථය නවත්වා බැස සිටි රියදුරු බරපතල තුවාල ලබා ඇත.
නවතා තිබූ ලොරි රථයේ පිටුපස සිටි පුද්ගලයෙකු සහ වෑන් රථයේ ඉදිරි අසුනේ සිටි පුද්ගලයෙකු බරපතල තුවාල ලබා මාන්කුලම් රෝහලට රැගෙන යමින් සිටියදී තිදෙනාම මියගොස් තිබෙනවා.
එමෙන්ම වෑන් රථයේ ගමන් ගත් කාන්තාවන් තිදෙනෙකු සහ ලොරි රථ දෙකේ සිටි තවත් පස් දෙනෙකු තුවාල ලබා කිලිනොච්චිය රෝහලට සහ මාන්කුලම් රෝහලට රැගෙන ගොස් තිබෙනවා.
මියගොස් ඇත්තේ මුල්ලේරිය නව නගරය, වැල්ලම්පිටිය සහ යාපනය ප්රදේශවල පදිංචි 38, 46 සහ 58 යන වයස්වල පසුවන්නන්ය.
අනතුර සම්බන්ධයෙන් වෑන් රථයේ රියදුරු අත්අඩංගුවට ගෙන ඇත.
