පකිස්ථානු හමුදාව පිළිබඳ කර්කශ විවේචකයෙක් මෙන්ම හිටපු අගමැති ඉම්රාන් ඛාන්ගේ දේශපාලනය මතවාදීමය අගය කළ පුද්ගලයෙක් වූ ප්රසිද්ධ පාකිස්තාන මාධ්යවේදී අර්ෂාඩ් ෂරීෆ් ඉරිදා කෙන්යාවේ දී වෙඩි තබා ඝාතනය කර තිබේ.
49 හැවිරිදි ෂීරීෆ් පකිස්ථානු අගමැති ඉම්රාන් ඛාන්ගේ පරාජයෙන් අනතුරුව රටේ ෆෙඩරල් විමර්ශන ඒජන්සිය (FIA) තමාට හිරිහැර කරන බවට පැමිණිලි කරමින් සිට අගෝස්තු මාසයේ දී රට හැර ගියේය.
කෙන්යාවට යාමට පෙර අර්ෂාඩ් එක්සත් රාජධානියේ සහ ඩුබායි හි සිට ඇත. බීබීසී වාර්තා කරන්නේ නැඟෙනහිර අප්රිකානු රටක ඔහු කුමක් කළේ දැයි පැහැදිලි නැති බවය.
පසුගිය ඉරිදා සවස නයිරෝබි අගනුවර අසල කජියාඩෝ ප්රාන්තයේ දී සිදුවී ඇති මෙම වෙඩි තැබීම සම්බන්ධව මූලික පොලිස් වාර්තාවකින් ඇඟවෙන්නේ සොරකම් කළ බවට වැරදියට විශ්වාස කරමින් මාර්ග බාධයක් අසල දි ෂරීෆ් ගමන් රථයට පොලිිසය වෙඩි තබා ඇති බවය.
මාධ්යවේදී අර්ෂාඩ් ෂරීෆ්ගේ ඛේදනීය මරණය පිළිබඳ නිසි අධිකරණ පරීක්ෂණයක් ඉල්ලා සිටින හිටපු අගමැති ඉම්රාන් ඛාන්, තමා මෙම සිද්ධිය සම්බන්ධව දැඩි “කම්පනයට” පත් වූ බවත්, අර්ෂාඩ් ෂරීෆ් සත්යය කථා කිරීම වෙනුවෙන් අවසාන මිල ගෙවූ බවත් පැවසා ඇත.
