ගෝල්ෆේස් අරගල භූමියට විරෝධතා පා ගමනකින් පැමිණෙන්ට කොළඹ පැමිණි සරසවි සිසුන් දැඩි මාර්ග බාධක දමා වැළැක්වූ පසු අගමැතිගේ විජයරාම නිවස වටලා දැවැන්ත විරෝධතාවයක නිරත වී මේ වනවිට ගෝල්ෆේස් අරගල භූමියට පැමිණ ඊට නව ජීවයක් එක් කරමින් සිටිති.
අරගලය විචිත්ර කරන මේ තරුණ පිරිස දහස් ගණනින් ජාතික කොඩි අතැතිව ගෝල්ෆේස් අරගල භූමියට එද්දී අරගල භූමියේ තරුණ පිරිස් ඔවුන්ව පිළිගත්තේ අතිශය උණුසුම් ලෙසිනි.
ට්විටර් හරහා මේ උණුසුම් මනුෂ්යත්වය ලෝකය සමග බෙදා ගත් බොහෝ දෙනෙක් ප්රකාශ කර තිබුණේ මෙය නම් අපූර්ව විචිත්ර අත්දැකීමක් බවය.
අරගල භූමිය පිරි ඉතිරී ඇත. අද මේ අරගල භූමියට පැමිණි දහස් ගණන් සරසවි සිසුන් යාපනය සරසවියේ සිට රුහුණු සරසවිය දක්වා ලංකාවේ සියලුම සරසවි නියෝජනය කිරීම විශේෂත්වයක් විය. එම විචිත්රත්තවය ඡායාරූප ශිල්පී තිලිණ කලුතොටගේ සමාජ මධ්ය ඔස්සේ බෙදාගෙන තිබිණි.
“ආණ්ඩුව පන්නමු ක්රමය පෙරළමු“ තේමාව යටතේ මේ තරුණ සරසවි සිසුන් එක් රැස් වූයේ අන්තර් විශ්වවිද්යායීය ශිෂ්ය බල මණ්ඩලය වටාය.
