මෙට්රික් ටොන් 99 000ක් වූ චීන කාබනික පොහොර තොගයෙන් කොටසක් සහිත නෞකාවක් චීනයේ නැගෙනහිර වරායකින් කොළඹ බලා පිටත් වී ඇතැයි කෘෂිකර්ම ක්ෂේත්රයේ ආරංචි මාර්ග පවසයි.
චීනයෙන් ආනයනය කිරීමට නියමිත මුල් කාබනික පොහොර සාම්පල දෙකම ව්යාධි ජනක ක්ෂුද්ර ජීවීන් සහිත වීම නිසා ප්රතික්ෂේප වී ඇති තත්වයක් තුළ දෙවන වරටත් ඊයේ පොහොර සාම්පලයක් පරීක්ෂාව සඳහා රටට ගෙන්වා ඇති තත්වයක් දී මෙම පොහොර තොගය නැවුගත කර ඇතැයි වාර්තා වේ.
රජයේ ප්රබලයෙකුගේ සමීප ඥාති සම්බන්ධතාවයක් සහිත පුද්ගලයෙක් සතු ආයතනයක් හරහා චීන කාබනික පොහොර ලංකාවට ගෙන්වන බව වාර්තා වේ.
වාර්තාවන පරිදි මෙම නෞකාව ලබන 06 දා වනවිට කොළඹ වරයාට පැමිණීමට නියමිතය.
මේ සම්බන්ධව කෘෂිකර්ම දෙපාර්තමේන්තුවේ අධ්යක්ෂ ජනරාල් ආචාර්ය අජන්ත ද සිල්වා ගෙන් කළ විමසුමක දී ඔහු පැවසුවේ මෙම නෞකාව ගැන කෘෂිකර්ම දෙපාර්තමේන්තුව හෝ අමාත්යාංශය කිසිවක් නොදන්නා බවය.
“ මේ ආකාරයේ නෞකාවක් වරායට පැමිණෙන තෙක් අනුගමනය කරන ක්රමවේදයක් තියනවා. ඒ සඳහා අපි තාම සූදානම් වෙමින් ඉන්නේ. කෘෂිකර්ම අමාත්යාංශය, ප්රමිති කාර්යාංශය, කෘෂි කර්ම දෙපාර්තමේන්තුව, පැලෑටි නිරෝධායන මධ්යස්ථානය වැනි ආයතන ගණනක් මේ සඳහා සූදානම් විය යුතුයි. ඒ කටයුතු තවමත් සිද්ධ වෙමින් පවතිනවා.“ අධ්යක්ෂ ජනරාල්වරයා කීවේය.
මෙම චීන පොහොර තොගයේ දී හෙළිදරවු වුණු ව්යාධි ජනක ක්ෂුද්ර ජීවීන් සහිත ආන්දෝලනාත්මක පොහොර සාම්පල් පිලිබඳව කළ විමසුමක දී ඔහු පැවසුවේ මෙවැන්නකි.
“මුල් පොහොර සාම්පලය රට තුළට පැමිණි පසු යම් අවස්ථාවක මිශ්ර වන්නට ඇතැයි ගරු ඇමති තුමා සැක කරනවා. ගරු ඇමතිතුමා එසේ සැක කරන නිසා ඒ පරීක්ෂණ වැරදි ඇතැයි හිතෙනවා.“
“තවත් පොහොර සාම්පල දෙකක් ඊයේ රටට ගෙන්නුවා. ඉන් එක් සාම්පලයක් පැලෑටි නිරෝධායන මධ්යස්තානය වෙත යොමු කළා. මේ පරීක්ෂණ යන්නේ ඉතාම දැඩි විවේචන බාධක මැද්දේ. ඒ නිසා අනෙක් සාම්පලය පරීක්ෂා කරන ආකාරය සම්බන්ධව දැනට යමක් ප්රකාශ කරන්න බෑ.“
මෙම පොහොර සාම්පලය පැලෑටි නිරෝධායන මධ්යස්ථානය වෙත යවා ඇත්තේ පොලිස් ආරක්ෂාව යටතේ බව වාර්තා වේ.
