2016-01-01 දිනෙන් පසු බඳවාගත් රාජ්ය නිලධාරීන්ගේ පත්වීම් ලිපිවල විශ්රාම් වැටුප් හිමිකම් සම්බන්ධ විධිවිධානය සංශෝධනය කිරීමට කැබිනට් අනුමැතිය ලැබී තිබේ.
ඒ අනුව රාජ්ය නිලධාරින් සඳහා වඩාත් සුදුසු දායක විශ්රාම වැටුප් ක්රමයක් හඳුන්වා දීම සම්බන්ධයෙන් වූ 2016 අයවැය යෝජනාවක් අනුව 2016-01-01 දින සිට රාජ්ය සේවයට බඳවාගනු ලැබූ සියලු නිලධාරීන්ගේ පත්වීම් ලිපිවල “මෙම පත්වීම විශ්රාම වැටුප් සහිතය. ඔබට හිමි විශ්රාම වැටුප් ක්රමය පිළිබඳ රජය විසින් ඉදිරියේදී ගනු ලබන ප්රතිපත්තිමය තීරණයකට ඔබ යටත් විය යුතු වේ” යනුවෙන් විධිවිධානයක් ඇතුළත් කර ඇත
එහෙත්, 2016-01-01 දිනයෙන් පසු රාජ්ය සේවයේ පත්වීම ලාභීන් හට නව විශ්රාම වැටුප් ක්රමයක් මෙතෙක් ක්රියාත්මක කර නොමැති අතර, පවතින විශ්රාම වැටුප් ක්රමයට ඔවුන්ගේ හිමිකම තහවුරු කර අදාළ පත්වීම් ලිපිවල සඳහන් විශ්රාම වැටුප සම්බන්ධ කොන්දේසිය සංශෝධනය කිරීම සඳහා 2026 අයවැය මගින් යෝජනා කරනු ලැබ තිබේ.
ඒ අනුව, 2016-01-01 දිනෙන් පසු රාජ්ය සේවයට බඳවාගත් සියලුම රාජ්ය නිලධාරීන්ගේ පත්වීම් ලිපිවල සඳහන් විශ්රාම වැටුප් සම්බන්ධ විධිවිධානය “මෙම පත්වීම විශ්රාම වැටුප් සහිතය. තවද, ඔබ වැන්දඹු හා අනත්දරු විශ්රාම වැටුප් ක්රමයට / වැන්දඹු පුරුෂ හා අනත්දරු විශ්රාම වැටුප් ක්රමයට දායක විය යුතුය. රජය මඟින් විටින් විට නියම කරනු ලබන ආකාරයට ඔබ විසින් ඒ සඳහා දායක මුදල් ගෙවිය යුතුය.’ වශයෙන් සංශෝධනය කිරීමටත්, ඊට අදාළ චක්රලේඛ උපදෙස් නිකුත් කිරීමටත් රාජ්ය පරිපාලන, පළාත් සභා සහ පළාත් පාලන අමාත්යවරයා ඉදිරිපත් කළ යෝජනාව අමාත්ය මණ්ඩලය විසින් අනුමත කර ඇත
