දිනසේන රතුගමගේ –
-
ජනපති උතුරේ සංචාරය කරමින් බිලියන ගණන් සංවර්ධන ව්යාපෘති දියත් කරන්නේ ඉලංකෙයි අරසු කච්චි පක්ෂය දෙකඩ කරන්නලු
ජනාධිපතිවරයා නිතර නිතර උතුරේ සංචාරය කරමින් අධික මුදල් ප්රමාණයක් විවිධ සංවර්ධන කටයුතු පිණිස ලබා දෙන්නේ උතුරේ ප්රබලතම දෙමළ දේශපාලන පක්ෂයවන ඉලංකෙයි තමිල් අරුසු කච්චි පක්ෂය දෙකඩ කරවීමට බව එම පක්ෂයේ නියෝජ්ය නායක සී.වී.කේ.ශිවඥානම් ඊයේ (19 ) යාපනයේදී පැවසීය.
යාපනයේදී මාධ්ය වෙත අදහස් දක්වමින් ඔහු කියා සිටියේ ජනාධිපතිවරයා හා මාලිමා රජය මේ අවස්ථාවේදී තම පක්ෂයේ ප්රබලයින් දෙදෙනෙකු ඔවුන් වෙත අවනත කරවා ගැනීමට දැඩි වෙහෙසක් දරණ බවයි.
ඔවුන්ට තමන් කීප වරක්ම මේ ඉදිරි අවදානම පිළිබදව අනතුරු අඟවා ඇති නිසා ඒ දෙදෙනා රජයට අවනත නොවන බව තමන්ට විශ්වාස බව කියා සිටි පක්ෂයේ නියෝජ්ය නායකයා ජනාධිපතිවරයා බහුතර බලයකින් බලයට පත් වූ දකුණු පළාතට ලබා නොදෙන සංවර්ධන කටයුතු උතුරේ ජනතාවට බිලියන ගණනින් ලබා දෙන විට ඒ ගැන දැඩි අවධානය යොමු කළ යුතුව ඇතැයිද කියා සිටියේය.
ජනාධිපතිවරයා උතුරට පැමිණෙන සෑම අවස්ථාවකදීම තම පක්ෂයේ අභ්යන්තර කටයුතු ගැන දැඩිව සොයා බලන බවත් මේ කාර්යය සඳහා වෙනත් දෙමළ දේශපාලන පක්ෂවල සහය ඔහු ලබා ගන්නා බවත් කී ශිවඥානම් ජනාධිපතිවරයාට එලෙස කටයුතු කිරීමට කිසිදු සදාචාර අයිතියක් නොමති බවද අවධාරණය කළේය.
උතුරට පැමිණෙන ජනාධිපතිවරයා ජනතාවට රුපියල් බිලියන ගණනින් සංවර්ධන කටයුතු සඳහා ආධාර සපයන බව ප්රකාශ කළද ජනතාවට මේ දක්වා කිසිදු සහනයක් ලැබී නොමැති බවත් විශාල පරිමාණයේ ව්යාපෘති ක්රියාවට නැංවීමට නොහැකි තත්ත්වයක ජනාධිපතිවරයා හා රජය සිටින බවත් ඔහු මෙහිදී උදාහරණ සහිතව විස්තර කළේය.
මේ වන විට උතුරේ වර්ධනය වෙමින් පවතින ඉඩම් කොල්ලය ජනතාව යළි පදිංචි කරවිමේ ගැටලු වැනි ප්රශ්නවලට විසඳුම් ලබා දීම වෙනුවට තම පක්ෂය ගැන සොයා බැලීමේ කටයුතු වහාම නතර කරණ ලෙස තමන් ජනාධිපතිවරයාගෙන් ඉල්ලා සිටින බව කී හෙතෙම ජනාධිපතිවරයාගේ මේ චිත්රපට පෙන්වීම නතර කළ යුතුව ඇතැයිද පැවසීය.
