දිනසේන රතුගමගේ –
ඉන්දියාවේ සිට නීති විරෝධී ලෙස මන්නාරමට රැගෙන එන ලද විදේශීය ගිරවුන් දඩු ලේනන් හා තවත් සතුන් විශාල ප්රමාණයක් සමග සැකකරුවන් හතර දෙනෙකු නාවික හමුදාව විසින් මන්නාරමේ කරිසාලෙයි ප්රදේශයේදී ඊයේ (04) අත් අඩංගුවට ගෙන තිබේ.
පක්ෂීන් ඇතුලු සතුන් රැඳවූ කූඩු තොගයක් වෑන් රථයකට පටවන බවට ලද තොරතුරක් මත එහි ගිය නාවික හමුදාවේ පිරිසක් අදාල පුද්ගලයින්ගෙන් ප්රශ්න කළ අවස්ථාවේදී එම සතුන් පිළිබදව නිවැරදි තොරතුරු ඉදිරිපත් කිරීමට සැකකරුවන් අපොහොසත් වී තිබේ.
මේ පිළිබදව මන්නාරම පොලීසියේ නිලධාරීන් දැනුවත් කොට එම ස්ථානයට නිලධාරීන් කැදවා සිදු කළ ප්රශ්න කිරීම් වලදී හෙළි වී ඇත්තේ ඉන්දියාවේ සිට ධීවර බෝට්ටුවකින් මෙම සතුන් මන්නාරමට රැගෙන එන ලද බවයි.
මන්නාරම නගරයේ ව්යාපාරිකයෙකු වෙත අලෙවි කිරීම පිණිස මෙම සතුන් රැගෙන යන බවද ඔවුන් ප්රකාශ කොට තිබේ.
එම කූඩුවල අප්රිකානු පරෙවියන් 225 ක් , අප්රිකානු ගිරවුන් 25 ක් ,විදේශීය දඩු ලේනන් 8 ක් හා තවත් විවිධ පක්ෂීන් 13 ක්ද පක්ෂීන්ට ලබා දෙන ආහාර හා ඖෂධ තොගයක්ද තිබී සොයා ගෙන ඇත.
සැකකරුවන් හා නීති විරෝධී ලෙස මෙරටට ගෙන්වන ලද සතුන් වැඩිදුර පරීක්ෂණ සදහා මන්නාරම පොලීසිය වෙත බාර දී තිබේ.
මන්නාරම පොලීසිය සිද්ධිය සම්බන්ධයෙන් පරීක්ෂණ පවත්වා ගෙන යයි.
මෙතෙක් සැකකරුවන් අත් අඩංගුවට ගෙන නොමැති අතර වවුනියාව පොලීසිය පරීක්ෂණ පවත්වා ගෙන යයි.
