දිනසේන රතුගමගේ –
අයහපත් කාලගුණික තත්ත්වය හේතුවෙන් නවතා දමන ලද ඉන්දියාව හා කන්කසන්තුරේ අතර නැව් සේවාව මැයි මස 13 වෙනිදා සිට යළි ආරම්භ කෙරෙන බව ඉන්දියාවේ ශිවගංගා නැව් සමාගම නිවේදනයක් නිකුත් කරමින් ප්රකාශකොට තිබේ.
මෙම නැව් සේවාව ක්රිරියාත්ම වූයේ ඉන්දියාවේ තමිල්නාඩු නාගපට්ටිනම් සිට යාපනය කන්කසන්තුරේ දක්වාය.
මුලින්ම මේ නැව් සේවාවට ” චෙරියපානී ” නැව යොදවා තිබූ අතර මෙවර එම ගමන් සදහා යොදාගෙන ඇත්තේ ” ශිවගංගා” නැමති නැවයි.
දෙවන වරට ක්රියාත්මක වන මෙම නැව් සේවාව මැයි මස 13 දා පෙරවරු 8 ට තමිල්නාඩුවේ නාගපට්ටන නාගායි ජැටියෙන් පිටත් වන අතර එය මධ්යාහන 12 ට කන්කසන්තුරේ ජැටිය වෙත ළඟා වෙයි.
ආපසු එම නැව පස්වරු 2 ට කන්කසන්තුරේ සිට නාගපට්ටිනම් දක්වා යාත්රා කෙරෙන අතර මැයි 13 දා සිට දිනපතාම නැව් සේවය ක්රියාත්මක වෙයි.
එක් මගියෙකු එක් ගමන් වාරයක් සදහා ශ්රී ලංකා මුදලින් රුපියල් 34200 ක් ගෙවිය යුතු අතර එක් මගියෙකුව කිලෝ ග්රෑම් 60 ක ප්රමාණයක් වරකට මෙම නැවෙන් රැගෙන යා හැකිය.
